കാവതികാക്ക

ഗൂഗിള്‍ കോപ്പിയടിയുമായി മൈക്രോസോഫ്ട്‌ ബിംഗ്

2011-02-02T23:06:00.000-08:00

ഓണ്‍ലൈന്‍ പരീക്ഷകള്‍ക്കും മറ്റും ഗൂഗിളില്‍ സെര്‍ച്ച്‌ ചെയ്തു കോപ്പിയടിക്കാറുണ്ട്. ഇവിടെ ഗൂഗിളിന്റെ സെര്‍ച്ച്‌ റിസള്‍ട്ടുകള്‍ തന്നെ മൈക്രോസോഫ്ട്‌ ബിംഗ് കോപ്പിയടിക്കുന്നതായാണ് ആരോപണം. ഗൂഗിള്‍ തന്നെയാണ് ഈ ആരോപണവുമായി രംഗത്ത് എത്തിയിരിക്കുന്നത്. മൈക്രോസോഫ്ട്‌ ഇത് നിഷേധിക്കുന്നുണ്ടെങ്കിലും തെളിവുകള്‍ അവര്‍ക്കെതിരാണ്.

'ബിംഗ് സ്റ്റിംഗ്' എന്ന പേരില്‍ ആഴ്ചകളോളം നീണ്ടു നിന്ന അന്വേഷണങ്ങള്‍ക്ക് ഒടുവിലാണ് ഗൂഗിള്‍ ഈ നിഗമനത്തില്‍ ഏത്തിയത്‌. 'tarsorrhaphy' എന്ന വാക്കില്‍ നിന്നായിരുന്നു തുടക്കം.ഗൂഗിളില്‍ ഈ വാക്ക് തെറ്റായി (torsorophy) കൊടുത്തപ്പോള്‍ ശരിയായ പദത്തിലേക്ക് വഴികാട്ടി. ഇതേ സമയത്ത് ബിങ്ങില്‍ torsorophy ക്ക് റിസള്‍ട്ട്‌ ഒന്നും തന്നെ ഉണ്ടായിരുന്നില്ല. കുറച്ചു ദിവസങ്ങള്‍ക്കു ശേഷം തെറ്റായ പദത്തിന് ശരിയായ പദത്തിന്റെ ഗൂഗിള്‍ റിസള്‍ട്ട്‌ കണ്ടു തുടങ്ങിയതാണ് ബിങ്ങിനെ സംശയത്തിന്റെ നിഴലിലാക്കിയത്.

തെറ്റായ വാക്ക് കൊടുത്തപ്പോള്‍ ശരിയായ റിസള്‍ട്ട്‌ എങ്ങനെ വന്നെന്നാണ് ഗൂഗിളിന്റെ ചോദ്യം. അതും ചോദ്യവും പറച്ചിലും ഒന്നും ഇല്ലാതെ. ഈ സംശയം ആണു ഗൂഗിളിന്റെ കണ്ണ് തുറപ്പിച്ചതും 'Bing Sting' നു വഴി വച്ചതും. നൂറുകണക്കിന് കൃത്രിമ വാക്കുകള്‍ക്ക് വ്യാജ ഫലം സ്രിഷ്ടിച്ചുകൊണ്ടായിരുന്നു ഗൂഗിള്‍ എന്ജിനീര്മാര്‍ കെണി വച്ചത്. ആദ്യം ഒന്നും ഇല്ലാതിരുന്ന ഫലങ്ങള്‍ രണ്ടാഴ്ചക്കുള്ളില്‍ ബിങ്ങില്‍ ലഭിച്ചു തുടങ്ങി.

ബിംഗ് സ്റ്റിംഗ്

ഉദാഹരണങ്ങള്‍:
hiybbprqag

mbzrxpgjys

indoswiftjobinproduction

delhipublicschool40 chdjob

juegosdeben1ogrande

ഇനി എങ്ങനെയാണ് മൈക്രോസോഫ്ട്‌ ഇത് മനസിലാക്കുന്നത് എന്നല്ലേ...Internet Explorer 8 ഉം Bing Toolbar ഉം വച്ചാണ് പരിപാടി. ആളുകള്‍ ഗൂഗിളില്‍ എന്തൊകെ സെര്‍ച്ച്‌ ചെയ്യുന്നുണ്ടെന്നും ഏതൊക്കെ റിസള്‍ട്ടില്‍ ക്ലിക്ക് ചെയ്യുന്നുണ്ടെന്നും ഇതുവഴി അവര്‍ മനസിലാക്കുന്നു. IE8 ല്‍ 'Suggested Sites feature' എന്നും ബിംഗ് ടൂള്‍ബാറില്‍ Customer Experience Improvement Program എന്നും ഒമാനപേരിട്ടാണ് ഈ ഡേറ്റ അയക്കല്‍. ആയിരകണക്കിന് എന്ജിനീര്മാര്‍ രാപകല്‍ കഷ്ടപ്പെട്ട് ഉണ്ടാക്കിയെടുത്ത സെര്‍ച്ച്‌ എഞ്ചിന്‍ അല്ഗോരിതം ഉപയോഗിച്ച് ചുളുവിനു കാര്യം സാധിക്കുന്ന വിദ്യ കൊള്ളാമല്ലേ..!! എന്നാല്‍ സെര്‍ച്ച്ഫലങ്ങള്‍ റാങ്ക് ചെയ്യാന്‍ മള്‍ട്ടിപ്പിള്‍ സിഗ്നലുകളും സമീപനങ്ങളുമാണ് തങ്ങള്‍ അവലംബിക്കുന്നത് ബിംഗ് പറയുന്നത്.

Suggested Sites feature

Bing Bar

ഈ ബിന്ഗാണ് ഇപ്പോള്‍ യാഹൂ സെര്‍ച്ചിനെ പവര്‍ ചെയ്യിക്കുന്നത്!!!!!

മൊഴി മുത്തുകള്‍ (ഭാഗം 1)

2011-01-28T09:56:00.000-08:00

സമാഹാരം : മാതൃഭൂമി

മാല വിഴുങ്ങിയാല്‍...

2011-01-27T21:19:00.000-08:00

സ്വര്‍ണ മാല വയറ്റിലായ രണ്ടു വ്യത്യസ്ത സംഭവങ്ങള്‍...

രണ്ടാഴ്ച പശുവിനും നാലു ദിവസം കള്ളനും കുശാലായിരുന്നു....വിസര്‍ജ്യത്തിനു പൊന്നിന്റെ വിലയും.......ഏതായാലും കള്ളനു ഭാഗ്യുണ്ട് വയറു കീറേണ്ടി വന്നില്ല...പശു തിന്നത് മുഴുവന്‍ പുറത്തെടുത്തു...
കടപ്പാട് : മാതൃഭൂമി

"ക്രിക്കറ്റ് എന്റെ മതമാണ്, സച്ചിന് എന്റെ ദൈവവും"

2010-02-24T11:32:00.000-08:00

പുതിയ ചരിത്രം; ഏകദിനത്തില്‍ സച്ചിന് ഡബിള്‍ സെഞ്ച്വറി

-മാതൃഭൂമി

ഗ്വാളിയോര്‍; ഏകദിന ക്രിക്കറ്റിന്റെ ചരിത്രത്തില്‍ ആദ്യമായി ഇരട്ടസെഞ്ച്വറി നേടുന്ന ബാറ്റസ്മാന്‍ എന്ന ബഹുമതി മാസ്റ്റര്‍ ബ്ലാസ്റ്റര്‍ സച്ചിന്‍ തെണ്ടുല്‍ക്കര്‍ക്ക്. 

ഗ്വാളിയറില്‍ ദക്ഷിണാഫ്രിക്കയ്‌ക്കെതിരായ രണ്ടാം ഏകദിനത്തിലാണ് സച്ചിന്‍ ഈ അപൂര്‍വ്വ നേട്ടം കുറിച്ചത്. 147 പന്തില്‍ നിന്ന് 200 റണ്‍സുമായി സച്ചിന്‍ പുറത്താകെ നിന്നു. 1997 ല്‍ ഇന്ത്യക്കെതിരെ ചെപ്പോക്കില്‍ സയിദ് അന്‍വറും സിംബാബ്‌വയുടെ ചാള്‍സ് കവന്ററിയും സ്ഥാപിച്ച 194 റണ്‍സിന്റെ റെക്കോഡാണ് ഇതോടെ പഴങ്കഥയാകുന്നത്. 

ടെസ്റ്റിലും ഏകദിനത്തിലും ഏറ്റവും കൂടുതല്‍ റണ്‍സും ഏറ്റവും കൂടുതല്‍ സെഞ്ച്വറികളും നേടിയ സച്ചിന്‍ ഈ ഇന്നിങ്‌സോടെ പുതിയ ചരിത്രമാണ് എഴുതിച്ചേര്‍ത്തത്. 

കരിയറില്‍ 46-ാം സെഞ്ച്വറി പൂര്‍ത്തിയാക്കിയ സച്ചിന്റെ നേതൃത്വത്തില്‍ ആദ്യം ബാറ്റ് ചെയ്ത ഇന്ത്യ 50 ഓവറില്‍ മൂന്നു വിക്കറ്റ് നഷ്ടത്തില്‍ 401 റണ്‍സ് അടിച്ചുകൂട്ടി. ദിനേഷ് കാര്‍ത്തിക്ക്(79), യൂസഫ് പഠാന്‍(36) ധോനി (68 നോട്ടൗട്ട്) എന്നിവര്‍ സച്ചിന് ഉറച്ച പിന്തുണ നല്‍കി. 

25 ബൗണ്ടറികളും മൂന്നു സിക്‌സറുകളും അടങ്ങുന്നതായിരുന്നു ലിറ്റില്‍ മാസ്റ്ററുടെ റെക്കോഡ് ഇന്നിങ്‌സ്.

അന്‍വര്‍ 194 റണ്‍സെന്ന റെക്കോഡ് സ്ഥാപിച്ച ശേഷം ഗാംഗുലിയും സച്ചിനും ജയസൂര്യയുമെല്ലാം അത് അടുത്തെത്തിയെങ്കിലും 180 നും 190 നും ഇടയിലുള്ള സ്‌കോറില്‍ പുറത്താകുകയായിരുന്നു. ന്യൂസിലന്‍ഡിനെതിരെ 186 റണ്‍സായിരുന്നു സച്ചിന്റെ ഇതിന് മുമ്പത്തെ ഉയര്‍ന്ന സ്‌കോര്‍.

ഓസ്‌ട്രേലിയക്കെതിരെ കഴിഞ്ഞ വര്‍ഷം അവസാനം അവിസ്മരണീയ ഇന്നിങ്‌സുമായി സച്ചിന്‍ മുന്നേറിയപ്പോള്‍ ലോക റെക്കോഡ് ഇന്ത്യന്‍ ആരാധകര്‍ മുഴുവന്‍ സ്വപ്‌നം കണ്ടതാണ്. എന്നാല്‍ നിര്‍ഭാഗ്യം കൊണ്ട് അന്ന് 175 ല്‍ സച്ചിന്‍ പുറത്തായി. ജയിക്കാമായിരുന്ന കളി ഇന്ത്യ തോല്‍ക്കുകയും ചെയ്തു.

രണ്ട് വര്‍ഷം മുമ്പാണ് സിംബാബ്‌വയുടെ കവന്ററി അന്‍വറിന്റെ റെക്കോഡിന് ഒപ്പമെത്തിയത്. ഇപ്പോള്‍ വര്‍ത്തമാനകാലത്തിലെ ഏറ്റവും മികച്ച ബാറ്റ്‌സ്മാന്‍ എന്ന വിശേഷണം ഒരിക്കല്‍ കൂടി അരക്കിട്ടുറപ്പിക്കുന്ന പ്രകടനത്തിലൂടെ ഏകദിനത്തില്‍ 200 റണ്‍സ് എന്ന ഏറക്കുറേ അപ്രാപ്യമായിരുന്ന ലക്ഷ്യവും സച്ചിന്‍ മറികടന്നത്.

സച്ചിൻ, നീ തന്നെയാണ് ക്രീസിലെ ദൈവം:

ഇനി മറ്റൊരാൾ വന്നു നീ സൃഷ്ടിച്ചതും തകർത്തതുമായ റെക്കോർഡുകൾ ഓരോന്നു പിഴുതെറിഞ്ഞാലും സാങ്കേതികതയും, കാവ്യാത്മകതയും സമ്മേളിക്കുന്ന നിന്റെ ബാറ്റിൽ നിന്നു പിറക്കുന്ന റൺസുകളോടും റെക്കോർഡുകളോടും ഒപ്പമെത്താൻ അവക്കൊരിക്കലും ആവില്ല.

കളി ജയിപ്പിക്കാനുള്ള കഴിവില്ല, റെക്കോർഡുകൾക്കു വേണ്ടി കളിക്കുന്നു, സ്വാർത്ഥനാണ്, ദുർബലമായ ടീമുകൾക്കെതിരെ മാത്രം നന്നായി കളിക്കുന്നു, സമ്മർദ്ദങ്ങൾക്കിടയിൽ കളിക്കാനാവുന്നില്ല തുടങ്ങിയ നിനക്കെതിരെയുള്ള വിമർശനങ്ങൾക്കൊക്കെ നീ ഇന്നു മറുപടി പറഞ്ഞിരിക്കുന്നു. അതും വെറും 147 പന്തുകളിൽ നിന്ന്. നീ നേടിയ സെഞ്ച്വെറികളെക്കുറിച്ചും നേട്ടങ്ങളെക്കുറിച്ചും പറയാൻ ഞങ്ങൾക്ക് ഒരു പാടു അക്ഷരങ്ങൾ നീക്കി വെക്കേണ്ടി വരും.

പ്രീയപ്പെട്ട പിതാവേ (പ്രൊഫസര്‍ രമേശ് തെന്‍ഡുല്‍ക്കര്‍), നിനക്കഭിമാനിക്കാം, നിന്‍റെ മകനെയോര്‍ത്ത്. സ്വര്‍ഗ്ഗം എന്നൊന്നുണ്ടെങ്കില്‍ അത് തീര്‍ച്ചയായും നിനക്കനുവദനീയമായിരിക്കും, കാരണം നീ ജന്മം നല്‍കിയത് വെറുമൊരു മനുഷ്യനല്ല. കാരണം അവതാരങ്ങള്‍ എല്ലായിപ്പോഴും ഉണ്ടാകുന്നതല്ലല്ലോ?

സച്ചിനെ പറ്റി പ്രശസ്തരായ ആളൂകളുടെ അഭിപ്രായം നമുക്ക് നോക്കാം.

ബ്രയന്‍ ലാറയുടെ വാക്കുകള്‍ ശ്രദ്ധിക്കൂ - “സച്ചിന്‍ ഒരു ജീനിയസാണ്. ഞാനൊരു സാധാരണ മനുഷ്യനും."

“ഞാന്‍ കളിച്ചിരുന്നതു പോലെ തന്നെയാണ് സച്ചിനും കളിക്കുന്നത് "-സര്‍ ഡൊണാള്‍ഡ് ബ്രാഡ്മാന്‍.
“സച്ചിന്‍ ക്രിക്കറ്റ് പ്രേമികളെ ആഹ്ലാദിപ്പിക്കുന്ന കളി പുറത്തെടുക്കുന്ന ആളാണ്. ഞാന്‍ പ്രധാനമായി കാണുന്നത് അതാണ്." -ബാരി റിച്ചാഡ്സ്.
“സച്ചിന്‍ ഒരു സ്റ്റമ്പുമായി ബാറ്റ് ചെയ്യുന്നതുകാണാന്‍ എനിക്ക് ആഗ്രഹമുണ്ട്. അപ്പോഴും അദ്ദേഹം മികച്ച സ്കോര്‍ നേടുമെന്നതില്‍ സംശയമില്ല. സച്ചിന്റെ നേട്ടങ്ങള്‍ മനക്കരുത്തിന്റേതാണ്." -ഗ്രെഗ് ചാപ്പല്‍.
“രാജ്യാന്തര രംഗത്ത് ഇത്രയും പരിചയസമ്പന്നനാണെങ്കിലും ഓരോ മത്സരവും ആദ്യമത്സരം കളിക്കുന്നത്ര സൂക്ഷ്മതയോടെയാണ് സച്ചിന്‍ കളിക്കുന്നത്. അദ്ദേഹം ഒരു ഇതിഹാസമാണ്." -സൗരവ് ഗാംഗുലി.
“എല്ലാം തികഞ്ഞ ബാറ്റ്‌സ്മാനാണ്‌ സച്ചിന്‍. ഞാന്‍ ഏറ്റവും നന്നായി പന്തെറിഞ്ഞിരുന്ന കാലത്ത് സച്ചിനെതിരെ കളിക്കാന്‍ കഴിയാത്തതില്‍ എനിക്ക് നിരാശയുണ്ട്. പുതിയ തലമുറയ്ക്ക് ഈ യുവാവില്‍ നിന്ന് ഏറെ പഠിക്കാനുണ്ട്." -വസീം അക്രം
“സച്ചിന്‍ എത്ര റണ്‍സ് നേടും എന്നതിനെ ആശ്രയിച്ചാണ് ഇന്ത്യന്‍ ക്രിക്കറ്റ് ടീമിന്റെ ഭാഗ്യനിര്‍ഭാഗ്യങ്ങള്‍. അദ്ദേഹം ഇതിഹാസമാണെന്നതില്‍ സംശയമേയില്ല." -സുനില്‍ ഗവാസ്കര്‍.
“ഓരോ പന്തിനും കൃത്യമായ ഷോട്ടുകള്‍ തിരഞ്ഞെടുക്കാന്‍ സച്ചിനറിയാം. എല്ലാം കൊണ്ടും സച്ചിന്‍ ഒരു മാതൃകാ ക്രിക്കറ്ററാണെന്ന് ഞാന്‍ പറയും." -അലന്‍ ഡൊണാള്‍ഡ്.
“ലോകത്തില്‍ രണ്ടുതരം ക്രിക്കറ്റര്‍മാരേയുള്ളൂ: സച്ചിന്‍ തെന്‍ഡുല്‍ക്കറും മറ്റുള്ളവരും." - ആന്‍ഡി ഫ്ലവര്‍.
“സച്ചിന്റെ കളി ഒരുവട്ടം കണ്ടാല്‍ വീണ്ടും വീണ്ടും കാണാന്‍ തോന്നും" - മുഹമ്മദ് അസ്‌ഹറുദ്ദീന്‍
“സച്ചിന്‍ ലോകത്തിലെ ഏറ്റവും മികച്ച ബാറ്റ്സ്മാനാണ്. സ്റ്റീവ്‌വോയെപ്പോലെ" - ഗ്ലെന്‍ മക്ഗ്രാത്ത്
“എനിക്ക് ഉറങ്ങാനേ കഴിയുന്നില്ല . കണ്ണടക്കുമ്പോഴെല്ലാം സച്ചിന്‍ പന്ത് അടിച്ചു പറത്തുന്നതാണ് തെളിയുന്നത്." -ഷെയിന്‍ വോണ്‍.
“ക്രിക്കറ്റിലെ ഏതു രീതിയിലുള്ള കളികള്‍ക്കും അനുയോജ്യനാണ് സച്ചിന്‍. ഏതു തലമുറയിലും കളിക്കാനാകുന്ന ചുരുക്കം കളിക്കാരിലൊരാള്‍. ആദ്യ പന്തുമുതല്‍ അവസാന പന്തുവരെ ഒരേ ലാഘവത്തോടെ കളിക്കാന്‍ സച്ചിനു കഴിയും." - വിവിയന്‍ റിച്ചാര്‍ഡ്സ്.
“എന്റെ പന്തുകള്‍ ഏറ്റവും നനന്നായി കളിച്ചിട്ടുള്ളത് സച്ചിനാണ്. ഞാന്‍ ബ്രാഡ്മാനെതിരേ പന്തെറിഞ്ഞിട്ടില്ല. ബ്രാഡ്മാന്‍ സ്ഥിരമായി സച്ചിനേക്കാള്‍ നന്നായി കളിച്ചിരുന്ന ആളാണെങ്കില്‍, അദ്ദേഹം ഓസ്ട്രേലിയക്കാരനായതില്‍ ഞാനഭിമാനിക്കുന്നു." - ഷെയിന്‍ വോണ്‍.
“സച്ചിന്റെ പോലെ ഒരു ഇന്നിംഗ്സ് എനിക്ക് സ്വപ്നം കാണാന്‍ പോലുമാകില്ല." - അജയ് ജഡേജ.
“സച്ചിന്‍ ലിഫ്റ്റില്‍ കയറിയപ്പോള്‍ ഞാന്‍ സ്റ്റെയര്‍കേസിലൂടെ കയറാനാണ് ശ്രമിച്ചത്. (സച്ചിന്റെ പെട്ടെന്നുള്ള ഉയര്‍ച്ചയെപ്പറ്റി)" - വിനോദ് കാംബ്ലി.
“സച്ചിന്റെ കാലത്ത് കളിക്കാന്‍ കഴിഞ്ഞു എന്നത് ഏറ്റവും വലിയ ബഹുമതിയായി ഞാന്‍ കാണുന്നു, ഉള്ളിന്റെ ഉള്ളില്‍ സച്ചിന്‍ ഏറ്റവും എളിമയുള്ള മനുഷ്യനാണ്." - രാഹുല്‍ ദ്രാവിഡ്.
“സച്ചിന്റെ മനസ് ഒരു കമ്പ്യൂട്ടറിന് തുല്യമാണ്. ബൗളര്‍ പന്ത് എവിടെ പിച്ച് ചെയ്യിക്കുമെന്ന് സച്ചിന് മുന്‍‌കൂട്ടി കാണാനാകുന്നു." - നവജ്യോത് സിങ് സിദ്ദു.
“സച്ചിന്‍ തെന്‍ഡുല്‍ക്കര്‍ മഹാനായ ക്രിക്കറ്റ് താരമാണെന്ന് നമുക്കറിയാം. 1998ല്‍ ഷാര്‍ജയില്‍ നടന്ന ടൂര്‍ണമെന്റിലെ ബാറ്റിങ്ങ് പ്രകടനം സച്ചിനെ ഇതിഹാസ തുല്യനാക്കുന്നു. വിവിയന്‍ റിച്ചാര്‍ഡ്സിനുശേഷം ഒരു ടീമിന്റെ വിജയത്തിനായി ഇത്രയും നന്നായി കളിച്ച ഒരാളെ ഞാന്‍ കണ്ടിട്ടില്ല." - രവിശാസ്ത്രി.
“പതിനൊന്നാമത് ബാറ്റിങ്ങിനിറങ്ങിയാലും ഓവറുകള്‍ ബാക്കിയുണ്ടെങ്കില്‍ സച്ചിന്‍ വിജയലക്ഷ്യം നേടിയിരിക്കും." - അലന്‍ ബോര്‍ഡര്‍.
“ചിലപ്പോള്‍ തോന്നും തന്റെ പ്രതിഭയെ വെല്ലുവിളിക്കാനുള്ള എതിരാളികളെ സച്ചിന് കിട്ടിയിട്ടില്ലെന്ന്. കഴിഞ്ഞ തലമുറയിലെ മഹാരഥന്മായ ക്രിക്കറ്റര്‍മാരെ നേരിടാന്‍ കഴിഞ്ഞിരുന്നുവെങ്കില്‍ ആ പ്രതിഭ കുറേക്കൂടി തെളിഞ്ഞുകണ്ടേനെ "- ബിഷന്‍ സിങ് ബേദി.
“ഞാന്‍ ഓരോ തവണ കാണുമ്പോളും സച്ചിന്‍ കൂടുതല്‍ കൂടുതല്‍ മെച്ചപ്പെടുന്നു. സച്ചിന്റെ ഏകാഗ്രത ഗവാസ്കറിന്റേതിന് തുല്യമാണ്. "- ഇയാന്‍ ബോതം.
“സച്ചിനെതിരെ പന്തെറിയേണ്ടി വന്നാല്‍ ഞാന്‍ ഹെല്‍മറ്റ് ധരിക്കും. അത്ര ശക്തിയിലാണ് സച്ചിന്‍ പന്തടിച്ച് തെറിപ്പിക്കുന്നത്." - ഡെന്നിസ് ലിലി.
“ഒരോവറില്‍ ആറു തരത്തില്‍ പന്തെറിയാന്‍ എനിക്കു കഴിയും. പക്ഷെ, അതു മുഴുവന്‍ കളിച്ചുകഴിഞ്ഞാല്‍ സച്ചിന്‍ പതുക്കെവന്ന് എന്നേയൊന്ന് നോക്കും. മറ്റൊന്നുകൂടി എറിയാമോ എന്ന് ചോദിക്കുന്നതുപോലെ!"- ആദം ഹോളിയാക്ക്.
“ഓഫ് സ്റ്റമ്പില്‍ പന്ത് പിച്ച് ചെയ്യിച്ച്, നല്ല ഒരു പന്തെറിഞ്ഞു എന്നു വിചാരിക്കുന്ന നേരത്തായിരിക്കും സച്ചിന്‍ വലത്തോട്ട് മറി ആ പന്ത് മിഡ് വിക്കറ്റിനുനേരെ അടിച്ച് രണ്ട് റണ്‍സ് എടുക്കുന്നത്! സച്ചിന്റേതു കനമുള്ള ബാറ്റാണെന്ന് കണ്ടാല്‍തന്നെ അറിയാം. എന്നാല്‍ വിക്കറ്റിനു ചുറ്റും സച്ചിന്‍ അത് വീശുന്നത് ടൂത്ത് ബ്രഷ് വീശുന്ന ലാഘവത്തിലാണ് "- ബ്രെറ്റ് ലീ.

ഇനി കപില്‍ ദേവ് പറയുന്നത് കേള്‍ക്കുക. ഒരുപക്ഷേ അതുതന്നെയാണ്‌ സച്ചിനെ പറ്റിയുള്ള നമ്മുടെ വിമര്‍ശനങ്ങള്‍ക്കുള്ള മറുപടിയും.

“ഏറ്റവും മികച്ചതിലും ഏതെങ്കിലു കുറ്റം കണ്ടെത്തുന്നവരുണ്ട്. ക്രിക്കറ്റില്‍ പതിനായിരക്കണക്കിനാണ് സച്ചിന്റെ റണ്‍ നേട്ടം. എന്നിട്ടും സച്ചിന്‍ പലപ്പോഴും വിമര്‍ശിക്കപ്പെടുന്നു. അതാണ് എന്നെ ആശ്ചര്യപ്പെടുത്തുന്നത്."

സച്ചിന്‍, നിനക്കായ് ക്ഷേത്രങ്ങളും പള്ളികളും മസ്ജിദുകളും കയറിയിറങ്ങുന്ന പാവങ്ങളുണ്ട്. നീ സ്വന്തം മകനായ് പിറന്നില്ലല്ലോ എന്ന് വേദനയോടെ ഓര്‍ക്കുന്ന മാതാപിതാക്കളുണ്ട്. സ്വന്തം സഹോദരനായി ജനിച്ചില്ലല്ലോ എന്നു കരുതുന്ന സഹോദരങ്ങളൂണ്ട്. എന്നാല്‍ നീ എല്ലാവര്‍ക്കും എല്ലാമായി മാറിയത് നിന്നിലെ നിന്നെ അവര്‍ തിരിച്ചറിഞ്ഞതു കൊണ്ടല്ലേ....

നീയുള്ള ഈ കാലഘട്ടത്തില്‍ ജീവിക്കാന്‍ കഴിഞ്ഞതു തന്നെ ഈ ജനതയുടെ ഭാഗ്യമാണ്‌.

സച്ചിന്‍, നീയാരാണെന്നെനിക്കറിയില്ല.

നീ ബ്രാഡ്മാന്‌ തുല്യനാണോ അതോ അതിലും മുകളിലാണോ?

നീ ക്രിക്കറ്റിന്‍റെ അവസാന വാക്കാണോ, അല്ലയോ?

എനിക്കറിയില്ല. പക്ഷേ എനിക്കറിയുന്ന ഒന്നുണ്ട്.....
സച്ചിന്‍, നീ ഒരുപാടാളുകളുടെ പ്രതീക്ഷയാണ്‌; സ്വപ്നമാണ്‌; സ്വപ്നസാക്ഷാത്ക്കാരമാണ്‌.

സച്ചിന്‍ ഡബിള്‍ അടിക്കാതിരിക്കാന്‍ ധോണി ശ്രമിച്ചുവോ?

- വെബ്‌ ദുനിയ

സച്ചിന്‍ ടെന്‍ഡുല്‍ക്കര്‍ ലോകക്രിക്കറ്റിന്‍റെ നെറുകയിലാണ്. 200 റണ്‍സ് എന്ന മാജിക് നമ്പറിലേക്ക് സച്ചിന്‍ എത്തിച്ചേരുന്നത് തന്‍റെ കരിയറിന്‍റെ ഇരുപതാം വര്‍ഷത്തിലാണ്. പ്രായവും സ്റ്റാമിനയും കണക്കിലെടുക്കുമ്പോള്‍ സച്ചിന്‍ സൃഷ്ടിക്കുന്ന റെക്കോര്‍ഡുകള്‍ അനുപമമാണെന്ന് പറയാം. ഇതുപോലൊരു കളിക്കാരന്‍ ഉണ്ടായിട്ടില്ല. എന്നാല്‍ സച്ചിന്‍റെ നേട്ടത്തില്‍ അസൂയ പൂണ്ടവര്‍ സ്വന്തം പാളയത്തില്‍ തന്നെയുണ്ടോ എന്ന സംശയം ദക്ഷിണാഫ്രിക്കയ്ക്കെതിരെയുള്ള രണ്ടാം ഏകദിനം ഉയര്‍ത്തിയിരിക്കുകയാണ്.

സച്ചിന്‍ ഡബിള്‍ സെഞ്ച്വറിയിലേക്ക് കുതിക്കുന്നതിന് സാക്ഷിയായും കൂട്ടായും നിന്നത് ക്യാപ്റ്റന്‍ മഹേന്ദ്രസിംഗ് ധോണിയാണ്. എന്നാല്‍, സച്ചിന്‍ ഡബിള്‍ അടിക്കാതിരിക്കാന്‍ ധോണി ശ്രമിച്ചുവോ എന്ന സംശയമാണ് ഇപ്പോള്‍ ക്രിക്കറ്റ് ലോകത്തും സച്ചിന്‍ ആരാധകരുടെ മനസുകളിലും ഉയര്‍ന്നിരിക്കുന്നത്. സച്ചിന് സ്ട്രൈക്ക് കൈമാറാതെ ഒരു ‘ഫൌള്‍ പ്ലേ’ ധോണി കളിച്ചതായി സച്ചിന്‍റെ ആരാധകര്‍ ആരോപിക്കുന്നു.
നല്‍പ്പത്തിനാലാം ഓവറിലാണ് സച്ചിന്‍ ഏകദിനത്തിലെ തന്‍റെ ഉയര്‍ന്ന സ്കോറായ 186 മറികടന്നത്. നാല്‍പ്പത്തഞ്ചാം ഓവര്‍ മുതലുള്ള ധോണിയുടെ കളി സൂക്ഷ്മമായി നിരീക്ഷിച്ചാല്‍ മനസിലാകുന്ന ഒരു സംഗതിയുണ്ട്. ആദ്യത്തെ അഞ്ചു പന്തുകളില്‍ ഇന്ത്യന്‍ നായകന്‍ ബൌണ്ടറികളും സിക്സറുകളും പായിക്കുന്നു. അവസാന പന്തില്‍ ഒരു റണ്‍സ് എടുത്ത് അടുത്ത ഓവറിലെ സ്ട്രൈക്ക് സ്വന്തമാക്കുന്നു. ഇടയ്ക്ക് ഭാഗ്യത്തിന് വീണുകിട്ടുന്ന അവസരങ്ങളില്‍ മാത്രം സച്ചിന് സ്ട്രൈക്ക് ലഭിക്കുന്നു.
നാല്‍പ്പത്തിയാറാം ഓവറിലാണ് സച്ചിന്‍ 197 റണ്‍സ് എന്ന ലോക റെക്കോര്‍ഡിലെത്തുന്നത്. പിന്നീടുള്ള മൂന്നു റണ്‍സ് എടുക്കാന്‍ അദ്ദേഹത്തിന് മൂന്ന് ഓവറുകള്‍ വേണ്ടിവന്നു. ധോണി സ്ട്രൈക്ക് കൈമാറാന്‍ വിമുഖത കാണിച്ചതാണ് കുഴപ്പമായത്. അവസാന ഓവര്‍ പരിശോധിക്കുക. സച്ചിന്‍ 199ല്‍ നില്‍ക്കുന്നു. ഒരു റണ്‍സ് എടുത്ത് ലോകത്തിന്‍റെ നെറുകയിലെത്താന്‍ തയ്യാറായി സച്ചിന്‍ നില്‍ക്കുന്നു. എന്നാല്‍ ആദ്യ പന്തില്‍ ധോണി സിക്സ് പായിക്കുന്നു. ധോണി സ്ട്രൈക്ക് കൈമാറിയില്ലെങ്കില്‍ 199 നോട്ടൌട്ട് എന്ന നിലയില്‍ സച്ചിന് തന്‍റെ കളി അവസാനിപ്പിക്കേണ്ടി വരും എന്ന് ക്രിക്കറ്റ് ലോകം ഭയന്ന നിമിഷങ്ങള്‍.
രണ്ടാമത്തെ പന്തിലും സിംഗിള്‍ എടുത്ത് സച്ചിന് സ്ട്രൈക്ക് നല്‍കാന്‍ ധോണി തയ്യാറായില്ല. പകരം പന്ത് ബൌണ്ടറിയിലേക്ക് പായിച്ചു. എന്നാല്‍ സച്ചിന്‍റെ ഭാഗ്യം എന്നു പറയട്ടെ, ബൌണ്ടറി ലൈനില്‍ അത് ഫീല്‍ഡര്‍ തടഞ്ഞു. രണ്ടാമത് ഓടാന്‍ ധോണി ആഞ്ഞതാണ്. എന്നാല്‍ സച്ചിന്‍ അതിന് തയ്യാറായില്ല. നാല്‍പ്പത്തൊമ്പതാം ഓവര്‍ മൂന്നാമത്തെ പന്തില്‍ ഒരു റണ്‍സ് എടുത്ത് സച്ചിന്‍ ചരിത്രം രചിച്ചു. ഏകദിന ക്രിക്കറ്റില്‍ ആദ്യത്തെ ഡബിള്‍ സെഞ്ച്വറി.
ഒരു കൂറ്റന്‍ സ്കോര്‍ കണ്ടെത്താനുള്ള ശ്രമത്തിനിടെ വ്യക്തിഗത നേട്ടങ്ങള്‍ക്ക് നായകന്‍ ധോണി വിലകല്‍പ്പിച്ചില്ല എന്ന് ഇതിന് മറുന്യായം ഉണ്ടാകാം. എന്നാല്‍ സച്ചിന് 200 റണ്‍സ് അടിക്കാനാകാതെ പോയിരുന്നെങ്കില്‍ ലോകം പഴിചാരുക ധോണിയെ മാത്രമായിരുന്നിരിക്കും എന്നതില്‍ സംശയമില്ല.

കടപ്പാട്: വിക്കീപീഡിയ, മാതൃഭൂമി , മനസ്സ്, വെബ്‌ ദുനിയ

2009 ലെ മികച്ച 10 മലയാള സിനിമകള്‍

2010-01-06T19:10:00.000-08:00

1. ഒരു പെണ്ണും രണ്ടാണും
ശരിതെറ്റുകള്‍ ആപേക്ഷികങ്ങളാണ്. പുനര്‍വിചിന്തനങ്ങള്‍ക്ക് തയ്യാറാകുമ്പോള്‍ ചില ശരികള്‍ തെറ്റുകളാവും ചില തെറ്റുകള്‍ ശരികളാവും. അടൂര്‍ ഗോപാലകൃഷ്ണന്‍ തിരക്കഥയെഴുതി സംവിധാനംചെയ്ത ഒരു പെണ്ണും രണ്ടാണും കഥ പറഞ്ഞത് ഇത്തരം ഓര്‍മപ്പെടുത്തലുകള്‍ നടത്തിയാണ്. 1940കളില്‍ രണ്ടാംലോകമഹായുദ്ധം തീര്‍ത്ത കേരളീയാവസ്ഥകളിലേക്ക് ഫോക്കസ് ചെയ്ത ചിത്രം അടിസ്ഥാനവര്‍ഗങ്ങള്‍ അനുഭവിക്കുന്ന പ്രശ്‌നങ്ങളെയാണ് പ്രധാനമായും ലക്ഷ്യമിട്ടത്.

ഉള്ളവര്‍ പൂഴ്ത്തിവെക്കുകയും ഇല്ലാത്തവര്‍ ചെറിയ കുറ്റം ചെയ്യുമ്പോള്‍ പരിഗണിക്കപ്പെടുകയും ചെയ്യുന്ന രാഷ്ട്രീയ അവസ്ഥയായിരുന്നു 40കളില്‍ തിരുവിതാംകൂറില്‍. പാവപ്പെട്ട കള്ളന്റെ കഥ, നിയമവിദ്യാര്‍ഥിയുടെ കഥ അങ്ങനെ വിഭിന്നങ്ങളായ ജീവിതകഥകളിലൂടെയാണ് ഒരു പെണ്ണും രണ്ടാണും പൂര്‍ത്തിയായത്. രാജ്യത്ത് കടുത്ത ക്ഷാനം നിലനിന്ന നാല്പതുകളിലെ തിരുവിതാംകൂര്‍ കാഴ്ചയുടെ നേര്‍ചിത്രമാണ് ഈ അടൂര്‍ചിത്രം.

തകഴി ശിവശങ്കരപ്പിള്ളയുടെ കള്ളന്റെ മകന്‍, നിയമവും നീതിയും, ഒരു കൂട്ടുകാരന്‍, പങ്കിയമ്മ എന്നീ നാലു കഥകളാണ് ചിത്രത്തിന്റെ തിരക്കഥയ്ക്ക് അവലംബം. വിവിധ ജീവിതോദ്ദേശ്യങ്ങളുമായി കഴിയുന്നവരുടെ നിലനില്പിന്റെ പ്രശ്‌നങ്ങള്‍. അവര്‍ സമൂഹ മനഃസാക്ഷിക്കു മുന്നില്‍ പലപ്പോഴും പകച്ചു നില്ക്കുന്നു. നിയമത്തിനെയും നീതിയെയും ബഹുമാനിക്കുമ്പോള്‍ ചില കാര്യങ്ങള്‍ക്കായി അവര്‍ക്ക് ശബ്ദമുയര്‍ത്തേണ്ടിവരുന്നു. കാലഘട്ടങ്ങള്‍ മാറുമ്പോഴും അടിസ്ഥാന വര്‍ഗങ്ങള്‍ നേരിടുന്ന പ്രശ്‌നങ്ങള്‍ക്ക് വലിയ മാറ്റങ്ങള്‍ വരുന്നില്ലെന്നാണ് ചിത്രം നല്കുന്ന സൂചന.

മനോജ് കെ. ജയന്‍, പ്രവീണ, നെടുമുടി വേണു, രവി വള്ളത്തോള്‍, വിജയരാഘവന്‍, ജഗദീഷ്, സുധീഷ്, കൃഷ്ണന്‍, എം.ആര്‍. ഗോപകുമാര്‍, സീമ ജി. നായര്‍ തുടങ്ങിയവരാണ് ചിത്രത്തിലെ താരങ്ങള്‍. പങ്കിയമ്മയെ അവതരിപ്പിച്ച പ്രവീണയ്ക്ക് മികച്ച രണ്ടാമത്തെ നടിക്കുള്ള സംസ്ഥാന പുരസ്‌കാരവും ഒരു പെണ്ണും രണ്ടാണും നേടിക്കൊടുത്തു. പ്രേക്ഷകര്‍ ഇതുവരെ കാണാത്ത ഒരു അടൂര്‍ ചിത്രമായാണ് ഒരു പെണ്ണും രണ്ടാണും എത്തിയത്. ഒരു ക്രൈം കഥയുടെ രൂപവും ഭാവവും നിലനിര്‍ത്തുന്നതോടൊപ്പം ഒരു കാലഘട്ടത്തെ പുനരാവിഷ്‌കരിക്കാനും ചിത്രത്തിനു കഴിഞ്ഞു. സസ്‌പെന്‍സും ഉദ്വേഗജനകമായ നിമിഷങ്ങളും നര്‍മ മുഹൂര്‍ത്തങ്ങളും ചിത്രത്തിന്റെ ഭാഗമാകുന്നു. തിരുവിതാംകൂറില്‍ 40കളില്‍ നടന്ന ചെറിയ കളവുകള്‍ മുതല്‍ വലിയ കളവുകള്‍വരെ ഒരേ ലക്ഷ്യത്തിനു വേണ്ടിയാണ് നടത്തിയത്. ആ രസങ്ങളിലൂടെയാണ് ഒരു പെണ്ണും രണ്ടാണും യാത്രയായത്. ആ യാത്ര വിജയകരമായി.

വളരെ സരസമായാണ് ഗഹനമായ ആശയങ്ങള്‍ ചിത്രം പങ്കുവെച്ചത്. ഗോവ, ദുബായ്, റോട്ടര്‍ ഡാം, ഫ്രൈബോര്‍ഗ്, മ്യൂണിക് തുടങ്ങി നിരവധി അന്താരാഷ്ട്ര മേളകളില്‍ പ്രദര്‍ശിപ്പിച്ച ചിത്രത്തിന് നല്ല സിനിമകളുടെ ഗണത്തില്‍ ഒന്നാം സ്ഥാനമാണ്.

2.കേരളവര്‍മ പഴശ്ശിരാജ
ചരിത്രം അവഗണിച്ച ചില സത്യങ്ങളാണ് 'കേരളവര്‍മ പഴശ്ശിരാജ'യിലൂടെ മിഴിതുറന്നെത്തിയത്. ഒന്നാം സ്വാതന്ത്ര്യസമരമായി ചരിത്രത്തില്‍ എഴുതിച്ചേര്‍ത്തത് 1857ലെ സ്വാതന്ത്ര്യസമരമാണ്. എന്നാല്‍ അതിനുമുമ്പേ ബ്രിട്ടീഷ് അധിനിവേശത്തിനെതിരെ ശബ്ദമുയര്‍ത്താന്‍ പഴശ്ശിരാജയ്ക്ക് കഴിഞ്ഞിട്ടുണ്ടെന്ന് ചിത്രം അടിവരയിടുന്നു. ഹരിഹരന്‍, എം.ടി. വാസുദേവന്‍നായരുടെ തിരക്കഥയിലൊരുക്കിയ ചിത്രം മലയാള സിനിമയെ ലോകനിലവാരത്തിലേക്ക് ഉയര്‍ത്താനുള്ള പ്രാപ്തിയോടെയാണെത്തിയത്. ടെക്‌നിക്കല്‍ പെര്‍ഫെക്ഷനൊപ്പം മനസ്സില്‍ തൊടുന്ന കുറെ മുഹൂര്‍ത്തങ്ങളും ചിത്രത്തില്‍ നിറയുന്നു.

വില്യം ലോഗന്റെ മലബാര്‍ മാന്വല്‍, പഴശ്ശി ചരിത്രം, പഴശ്ശി എഴുതിയ കത്തുകള്‍ എന്നിവയെല്ലാം ഉപജീവിച്ച് ഏറെ പഠനമനനങ്ങള്‍ക്കൊടുവിലാണ് പഴശ്ശിരാജയുടെ തിരക്കഥ പൂര്‍ത്തിയാക്കിയത്. അത് ചിത്രത്തിന്റെ പൂര്‍ണതയ്ക്ക് ഏറെ സഹായകമായിട്ടുണ്ടെന്ന് ചിത്രത്തിലെ ഓരോ സീനുകളും തെളിയിക്കുന്നു.

വടക്കന്‍വീരഗാഥയ്ക്കു ശേഷം ഹരിഹരന്‍ എം.ടി.യുടെ തിരക്കഥയിലൊരുക്കിയ ചിത്രം സ്ത്രീ കഥാപാത്രങ്ങള്‍ക്ക് ഏറെ പ്രാധാന്യം നല്‍കിയ ചിത്രമാണ്. മമ്മൂട്ടി, ശരത്കുമാര്‍, മനോജ് കെ. ജയന്‍, സുരേഷ് കൃഷ്ണ, കനിഹ, പത്മപ്രിയ തുടങ്ങി വലിയൊരു താരനിരയാണ് ചിത്രത്തിലുള്ളത്. ഏറെ പ്രതിസന്ധികള്‍ തരണംചെയ്ത് തിയേറ്ററിലെത്തിച്ച ചിത്രം ഹരിഹരന്റെ പോരാട്ടവീര്യത്തിന്റെ അടയാളമാണ്. ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ നിര്‍മിച്ച ചിത്രം മലയാളത്തിന് ഒരു ചരിത്ര വീരഗാഥയാണ് സമ്മാനിച്ചത്.

3.വിലാപങ്ങള്‍ക്കപ്പുറം
എളുപ്പം പാളിപ്പോകാവുന്ന ഒരു വിഷയത്തെ കയ്യടക്കത്തോടെ അവതരിപ്പിക്കാന്‍ 'വിലാപങ്ങള്‍ക്കപ്പുറ'ത്തിന് കഴിഞ്ഞിട്ടുണ്ട്. ഗുജറാത്ത് കലാപത്തിന്റെ ഇരയായിമാറിയ പെണ്‍കുട്ടി. അവളുടെ അതിജീവനത്തിന്റെ കഥയാണ് ടി.വി. ചന്ദ്രന്‍ ചിത്രത്തിലൂടെ പറയുന്നത്. ആര്യാടന്‍ ഷൗക്കത്ത് കഥയെഴുതി നിര്‍മിച്ച ചിത്രം പ്രിയങ്കയ്ക്ക് മികച്ച നടിക്കുള്ള സംസ്ഥാന പുരസ്‌കാരം നേടിക്കൊടുത്തു.

ഗുജറാത്തിലും കേരളത്തിലുമായി ചിത്രീകരിച്ച ചിത്രം മനുഷ്യസ്‌നേഹത്തിന്റെ വിവിധ ഭാവങ്ങളും അനാവരണം ചെയ്യുന്നു. ഒരു സ്ത്രീയെ അല്ലെങ്കില്‍ പെണ്‍കുട്ടിയെ കാമവെറി പൂണ്ട കണ്ണുകള്‍കൊണ്ട് നോക്കുന്നവരാണ് സമകാലിക സമൂഹത്തില്‍ ഏറെയും. പക്ഷേ, സഹോദരമനസ്സോടുകൂടി സ്ത്രീജനങ്ങളെ സമീപിക്കുന്നവരും വിരളമല്ലെന്ന് ചിത്രത്തിലെ ചുരുക്കം ചില കഥാപാത്രങ്ങളിലൂടെ വെളിവാക്കുന്നു.

4.രാമാനം
പുനത്തില്‍ കുഞ്ഞബ്ദുള്ളയുടെ സ്മാരകശിലകള്‍ എന്ന കൃതിയെ ഉപജീവിച്ച് എം.പി. സുകുമാരന്‍നായര്‍ തിരക്കഥയെഴുതി സംവിധാനംചെയ്ത രാമാനം പുതിയ രാഷ്ട്രീയ വായനയാണ് നടത്തിയത്. ബാബ്‌റി മസ്ജിദ് തകര്‍ക്കപ്പെട്ടതിനുശേഷം സ്മാരകശിലകളുടെ ഉള്ളടക്കത്തിന് പഴയതുപോലെ പുരാവൃത്തങ്ങളില്‍ മാത്രമായി ഒതുങ്ങി നില്ക്കാനാവില്ലെന്ന രാഷ്ട്രീയ സന്ദേശമാണ് രാമാനം നല്കുന്നത്.

ജഗതി ശ്രീകുമാര്‍, മാര്‍ഗി സതി, ഇന്ദ്രന്‍സ്, ബേബി അവന്തിക, മാസ്റ്റര്‍ ദേവനാരായണന്‍, ജയകൃഷ്ണന്‍, മഞ്ജുപിള്ളയുമൊക്കെ മനസ്സില്‍ തൊടുന്ന കഥാപാത്രങ്ങളായാണ് ചിത്രത്തില്‍ വന്നത്.

തമാശകള്‍ ചെയ്ത് മലയാളസിനിമയില്‍ നില്‌ക്കേണ്ടിവന്ന ഇന്ദ്രന്‍സിന് തന്റെ അഭിനയവൈഭവം പ്രേക്ഷകരിലെത്തിക്കാന്‍ അവസരം നല്കിയ ചിത്രമാണ് രാമാനമെന്ന് നിസ്സംശയം പറയാം. താരങ്ങള്‍ക്ക് വേണ്ടി കഥാപാത്രങ്ങളെ ഇല്ലാതാക്കുന്നതിനു പകരം കഥാപാത്രങ്ങള്‍ക്ക് അനുയോജ്യരായ നടീനടന്മാരെയാണ് എം.പി. സുകുമാരന്‍നായര്‍ അഭിനയിപ്പിച്ചത്. ഒരു സൂപ്പര്‍താരത്തിന്റെയും ഡേറ്റിനു പോകാതെ സ്വയം നിര്‍മാതാവായി മാറാന്‍ ധൈര്യം കാണിച്ച സംവിധായകന്‍ കൂടിയാണ് അദ്ദേഹം. താരകേന്ദ്രീകൃതമായ സിനിമാലോകത്തില്‍ ലാഭേച്ഛ കൂടാതെ നല്ലൊരു സിനിമയെടുക്കാന്‍ തയ്യാറാവുകയായിരുന്നു രാമാനത്തിലൂടെ സംവിധായകന്‍ സുകുമാരന്‍നായര്‍.

5.പാലേരി മാണിക്യം
മലയാള ത്തില്‍ പരീക്ഷണങ്ങള്‍ നടക്കുന്നില്ലെന്ന് പറയുന്നവര്‍ക്ക് മറുപടിയായിട്ടാണ് 'പാലേരിമാണിക്യം ഒരു പാതിരാകൊലപാതകത്തിന്റെ കഥ'യെത്തിയത്. നോവല്‍ഭൂമികയില്‍നിന്ന് ഒരു ചലച്ചിത്രഭാഷ്യം എന്ന രീതിയിലെത്തിയ ചിത്രത്തിലൂടെ നാടകരംഗത്തുനിന്നെത്തിയ പുതുമുഖ അഭിനേതാക്കള്‍ക്ക് മലയാള സിനിമയില്‍ ഒരിടം നല്കി. ടി.പി. രാജീവന്റെ 'പാലേരിമാണിക്യം ഒരു പാതിരാകൊലപാതകത്തിന്റെ കഥ' എന്ന നോവലിനെ ഉപജീവിച്ച് രഞ്ജിത്ത് തിരക്കഥയെഴുതി സംവിധാനം ചെയ്ത ചിത്രം സസ്‌പെന്‍സ് ത്രില്ലര്‍ എന്ന രീതിയിലുള്ള അന്വേഷണകഥയാണ്.

പാലേരിമാണിക്യം കേസ് ചരിത്രത്തില്‍ ഇടംനേടിയ കേസാണ്. ആദ്യത്തെ കമ്യൂണിസ്റ്റ് മന്ത്രിസഭ കേരളത്തില്‍ അധികാരത്തില്‍ വന്നതിനുശേഷം ആദ്യം രേഖപ്പെടുത്തിയ കേസ്. പക്ഷേ, മാണിക്യത്തിന്റെ കൊലപാതകിയെ കണ്ടെത്താന്‍ കഴിഞ്ഞിട്ടില്ല. വര്‍ഷങ്ങള്‍ക്കുശേഷം ആ കേസന്വേഷണത്തിനായി ഒരാള്‍ വരുമ്പോള്‍ അന്വേഷണവഴി അത്ര സുഗമമല്ലായിരുന്നു. എങ്കിലും അദ്ദേഹം അന്വേഷണം പൂര്‍ത്തിയാക്കി കൊലപാതകത്തിന്റെ ഉത്തരവാദിയെ കണ്ടെത്തുന്നു. മമ്മൂട്ടി മൂന്ന് കഥാപാത്രങ്ങളിലൂടെ നാല് മുഖങ്ങളിലെത്തുന്ന ചിത്രം അദ്ദേഹത്തിന്റെ അഭിനയത്തെ പരമാവധി ചൂഷണംചെയ്യാന്‍ ശ്രമിച്ചിട്ടുണ്ട്. മമ്മൂട്ടിയില്‍നിന്ന് സമീപകാലത്ത് ലഭിച്ച ശക്തമായ കഥാപാത്രങ്ങളാണ് ചിത്രത്തിലെ അഹമ്മദ് ഹാജിയും ഹരിദാസും അഹമ്മദ് ഹാജിയുടെ മകനും.

6.കേരള കഫേ
യാതൊരുവിധ വിട്ടുവീഴ്ചകളും ചെയ്യാതെ ഒരു ചിത്രമൊരുക്കാന്‍ അവസരം. രഞ്ജിത് നേതൃത്വം നല്കിയ 'കേരള കഫേ' എന്ന സിനിമാ സമുച്ചയം 10 സംവിധായകര്‍ക്ക് നല്കിയത് അതാണ്. മലയാളത്തിലെ മുഖ്യധാരാ സിനിമകളുടെ വക്താക്കളായ ഈ സംവിധായകര്‍ക്ക് അവരുടെ സങ്കല്പത്തിലുള്ള ഒരു സിനിമ ഒരുക്കാന്‍ അവസരം നല്കുകയായിരുന്നു 'കേരള കഫേ'.
യാത്രയെ അടിസ്ഥാനമാക്കി 10 സംവിധായകര്‍ ഒരുക്കിയ ചിത്രങ്ങള്‍. ഓരോ ഹ്രസ്വചിത്രവും കേരളത്തിലെ സമകാലിക സമൂഹവുമായി ബന്ധപ്പെട്ടവയാണ്. ഈ ചിത്രങ്ങള്‍ ഓരോന്നും 'കേരള കഫേ' എന്ന റയില്‍വേ ഹോട്ടലിലൂടെ കടന്നുപോകുന്നു. ശ്യാമപ്രസാദ്, ലാല്‍ജോസ്, ഷാജി കൈലാസ്, ബി. ഉണ്ണികൃഷ്ണന്‍, രേവതി, അന്‍വര്‍ റഷീദ്, പത്മകുമാര്‍, അഞ്ജലി മേനോന്‍, ഉദയ് അനന്തന്‍, ശങ്കര്‍ രാമകൃഷ്ണന്‍ എന്നിവരാണ് 'കേരള കഫേ'യിലെ ഹ്രസ്വചിത്രങ്ങള്‍ ഒരുക്കിയത്.

മലയാള സിനിമയില്‍ ആദ്യമായാണ് ഇത്തരമൊരു സംരംഭം. ജോഷ്വാന്യൂട്ടന്റെ തിരക്കഥയില്‍ ശ്യാമപ്രസാദ് സംവിധാനം ചെയ്ത ഓഫ് സീസണ്‍, സി.വി. ശ്രീരാമന്റെ പുറംകാഴ്ചകള്‍ എന്ന കഥയെ ആസ്പദമാക്കി ലാല്‍ജോസ് തിരക്കഥയെഴുതി സംവിധാനംചെയ്ത പുറംകാഴ്ചകള്‍, രാജേഷ് ജയരാമന്റെ തിരക്കഥയില്‍ ഷാജി കൈലാസ് സംവിധാനം ചെയ്ത ലളിതം ഹിരണ്‍മയം, ബി. ഉണ്ണികൃഷ്ണന്‍ തിരക്കഥയെഴുതി സംവിധാനം ചെയ്ത അവിരാമം, ദീദി ദാമോദരന്റെ തിരക്കഥയില്‍ രേവതി സംവിധാനം ചെയ്ത മകള്‍, ആര്‍. ഉണ്ണിയുടെ തിരക്കഥയില്‍ അന്‍വര്‍ റഷീദ് സംവിധാനം ചെയ്ത ബ്രിഡ്ജ്, പത്മകുമാര്‍ തിരക്കഥയെഴുതി സംവിധാനം ചെയ്ത നൊസ്റ്റാള്‍ജിയ, അഞ്ജലി മേനോന്‍ തിരക്കഥയെഴുതി സംവിധാനം ചെയ്ത ശുഭയാത്ര, അഹമ്മദ് സിദ്ദിഖിന്റെ രചനയില്‍ ഉദയ് അനന്തന്‍ സംവിധാനം ചെയ്ത മൃത്യുഞ്ജയം, ശങ്കര്‍ രാമകൃഷ്ണന്‍ തിരക്കഥയെഴുതിയ ഐലന്റ് എക്‌സ്പ്രസ് എന്നിവയാണ് പത്ത് ചിത്രങ്ങള്‍.

മമ്മൂട്ടി, ശ്രീനിവാസന്‍, സുരേഷ് ഗോപി, ദിലീപ്, പൃഥ്വിരാജ്, ജയസൂര്യ, തിലകന്‍, സലിംകുമാര്‍, ശാന്താദേവി, സുകുമാരി, റിമ, ശ്വേതാമേനോന്‍, ജ്യോതിര്‍മയി തുടങ്ങി കുറേ അഭിനേതാക്കള്‍ ഈ ചിത്രങ്ങളുടെ ഭാഗമായി വരുന്നു. വ്യത്യസ്തമായ ചിത്രങ്ങള്‍ കാണുക എന്നതിനപ്പുറം മലയാളിയുടെ ഭിന്നരൂപങ്ങളെ അടയാളപ്പെടുത്തുന്നു കേരള കഫേ. കുറഞ്ഞ ബജറ്റില്‍ കലാമൂല്യമുള്ള സിനിമകള്‍ ഒരുക്കുക എന്ന ആഗ്രഹമുള്ള സംവിധായകരുടെ കൂട്ടായ്മകൂടിയാണ് ഇതില്‍ തെളിയുന്നത്. വാണിജ്യ സിനിമകളുടെ വക്താക്കളായി മാറിയതുകൊണ്ടുമാത്രം പലരുടെയും താല്പര്യങ്ങള്‍ സംരക്ഷിച്ചാണ് ഈ സംവിധായകര്‍ ചിത്രമെടുത്തിരുന്നത്. അവര്‍ക്ക് തങ്ങളുടെ ഇഷ്ടങ്ങള്‍ സംരക്ഷിച്ച് ഒരു ചിത്രമൊരുക്കാന്‍ കഴിഞ്ഞുവെന്നതാണ് കേരള കഫേ നല്കിയ ഏറ്റവും വലിയ നേട്ടം.

സ്ഥിരം മാതൃകകള്‍ കണ്ടുമടുത്ത സിനിമാപ്രേമികള്‍ക്കു പുതിയ കാഴ്ച പ്രദാനംചെയ്യാന്‍ കേരള കഫേയിലെ ചിത്രങ്ങള്‍ക്കു കഴിഞ്ഞിട്ടുണ്ട്. ആര്‍ദ്രമായ മുഹൂര്‍ത്തങ്ങള്‍, നര്‍മ മുഹൂര്‍ത്തങ്ങള്‍ തുടങ്ങി ജീവിതവഴിയിലെ വിവിധ സന്ദര്‍ഭങ്ങള്‍ നിറഞ്ഞ ചിത്രങ്ങളാണ് ഓരോന്നും. സംവിധായകര്‍ക്ക് സത്യസന്ധമായി സിനിമയെ സമീപിക്കാന്‍ കഴിഞ്ഞുവെന്ന് ഈ ചിത്രസമുച്ചയം തെളിയിക്കുന്നു.

7.ഭ്രമരം
നഗരജീവിതത്തിന്റെയും ഗ്രാമീണ ജീവിതത്തിന്റെയും കാഴ്ചകള്‍ക്കൊപ്പം നടന്ന ഒരു റോഡ് മൂവി. ബ്ലെസി മോഹന്‍ലാലിനെ നായകനാക്കി സംവിധാനം ചെയ്ത ഭ്രമരത്തെ അങ്ങനെ വിശേഷിപ്പിക്കാം. മൂന്നാര്‍, മറയൂര്‍, നെല്ലിയാമ്പതി, കുട്ടിക്കാനം, കോയമ്പത്തൂര്‍ എന്നിവിടങ്ങളിലെ വൈവിധ്യങ്ങളായ ദൃശ്യങ്ങളാണ് ഭ്രമരത്തില്‍ നിറയുന്നത്. മോഹന്‍ലാലിന്റെ അനിതരസാധാരണമായ അഭിനയവൈഭവം ഒരിക്കല്‍ക്കൂടി പ്രേക്ഷകര്‍ക്കുമുന്നിലെത്തിക്കാന്‍ ഈ ചിത്രത്തിലൂടെ കഴിഞ്ഞു.

മനസ്സിന്റെ ഭ്രമണപഥത്തില്‍ താന്‍ തെറ്റുകാരനല്ലെന്ന് വ്യക്തമായി തെളിയുന്നുണ്ട്. പക്ഷേ, തന്റെ നിസ്സഹായാവസ്ഥ മറ്റുള്ളവരെ ബോധ്യപ്പെടുത്താന്‍ നായകന് കഴിയുന്നില്ല. തന്റെ നിരപരാധിത്വം തെളിയിക്കാന്‍ ഏതറ്റംവരെയും പോകാന്‍ തയ്യാറുള്ള ഒരു മനസ്സുമാത്രമാണ് കൈമുതല്‍ - ജീവിതവേഗങ്ങള്‍ക്കിടയില്‍ വ്യത്യസ്ത ജീവിതസാഹചര്യങ്ങളില്‍ കഴിയുന്നവരെ കാണാന്‍ അദ്ദേഹം നടത്തുന്ന ശ്രമങ്ങള്‍. ആ പരിശ്രമങ്ങള്‍ വിജയിക്കുന്നിടത്താണ് ചിത്രം പൂര്‍ണമാകുന്നത്.

ദുര്‍ഘടമായ വഴികളിലൂടെ ജീപ്പ് യാത്ര, ചിത്രത്തിന്റെ ഹൈലൈറ്റുകളിലൊന്നാണ്. സാധാരണ ജീപ്പ് ഡ്രൈവര്‍മാര്‍പോലും പോകാന്‍ വിസമ്മതിക്കുന്ന ഹൈറേഞ്ചിലെ വഴികളിലൂടെയുള്ള സഞ്ചാരം - മനസ്സ് ഉന്മാദത്തോളമെത്തുന്ന നായകന്റെ ചെറുചലനങ്ങള്‍ വളരെ സൂക്ഷ്മമായി അവതരിപ്പിക്കാന്‍ ബ്ലെസി സൃഷ്ടിച്ച കഥാപാത്രത്തിലൂടെ ലാലിന് കഴിയുന്നു.

പ്രേക്ഷകന്റെ ഉള്ളുലയ്ക്കുന്ന കുറേ കഥാസന്ദര്‍ഭങ്ങളിലൂടെയൊരു യാത്രയാണ് ചിത്രം. ബോളിവുഡിലും കോളിവുഡിലും ശ്രദ്ധേയയായ ഭൂമിക മലയാളത്തില്‍ അഭിനയിച്ച ആദ്യചിത്രം. മലയാളിയും ബോളിവുഡ് താരവുമായ സുരേഷ് മേനോന്‍ മലയാളത്തില്‍ അഭിനയിച്ച ആദ്യചിത്രം എന്നിങ്ങനെയും ഭ്രമരത്തിന് പ്രാധാന്യമുണ്ട്.

8.ഋതു
മാറുന്ന കാലത്തിനൊപ്പം യൗവനത്തിന്റെ ഭാവുകത്വത്തില്‍ വ്യതിയാനങ്ങള്‍ വരുന്നുവെന്നാണ് ഋതു പറയുന്നത്. പുതുമുഖങ്ങള്‍ക്ക് പ്രാധാന്യം നല്കി ശ്യാമപ്രസാദ് ജോഷ്വാന്യൂട്ടന്റെ തിരക്കഥയിലൊരുക്കിയ ചിത്രം പുതുതലമുറകളില്‍ സ്‌നേഹം കൈമോശം വന്നിട്ടില്ലെന്ന് തെളിയിക്കുന്നു. ഐ.ടി. പോലുള്ള മേഖലകളിലെ സൗഹൃദലോകത്തിന് മൂല്യച്യുതി സംഭവിക്കുന്നുവെന്ന് പൊതുവേ ഒരു ആരോപണമുയരുന്നുണ്ട്. പക്ഷേ, ആ ആരോപണം അടിസ്ഥാനരഹിതമാണെന്ന് ഋതു പറയുന്നു.

ആധുനിക ജീവിതത്തിന്റെ തിരക്കുകള്‍ക്കിടയില്‍ പൈതൃകമായിക്കിട്ടിയ കഴിവുകള്‍ നശിപ്പിക്കാന്‍ യുവത തയ്യാറാകുന്നില്ലെന്ന് ചിത്രം അടിവരയിടുന്നു. പുതുമുഖങ്ങളുടെ ഒരു കൂട്ടായ്മയിലാണ് ശ്യാമപ്രസാദ് ഋതുവിനെ ഒരുക്കിയത്. താരങ്ങളും സാങ്കേതിക പ്രവര്‍ത്തകരും പുതുമുഖങ്ങള്‍. അവരെ സമര്‍ഥമായി ഉപയോഗപ്പെടുത്തിയതിലാണ് സംവിധായകന്‍ ശ്യാമപ്രസാദിന്റെ വിജയം. പത്രപ്രവര്‍ത്തകനായ ജോഷ്വാന്യൂട്ടണ്‍ ആദ്യമായി തിരക്കഥയെഴുതിയ ചിത്രമാണിത്. മാറുന്ന കാലത്തിനനുസരിച്ച് യൗവനങ്ങളില്‍ പ്രകടമാകുന്ന മാറ്റങ്ങളെ സ്വാംശീകരിച്ച് കഥയും തിരക്കഥയുമൊരുക്കാന്‍ ജോഷ്വാന്യൂട്ടന് കഴിഞ്ഞിട്ടുണ്ട്.

റിമ, നിഷാന്‍, ആസിഫ് എന്നിവര്‍ പ്രധാന കഥാപാത്രങ്ങളെ അവതരിപ്പിച്ച ചിത്രത്തില്‍ സംവിധായകന്‍ എം.ജി. ശശിയും ശ്രദ്ധേയമായ വേഷത്തിലെത്തിയിരുന്നു.

9.പത്താംനിലയിലെ തീവണ്ടി
മനോരോഗത്തെ വ്യത്യസ്തമായ രീതിയില്‍ കാണാന്‍ ശ്രമിച്ച ചിത്രമാണ് ജോഷി മാത്യു സംവിധാനം ചെയ്ത പത്താംനിലയിലെ തീവണ്ടി. സ്‌കീസോഫ്രീനിയ ബാധിച്ച് മനോരോഗാശുപത്രിയില്‍ കിടക്കുന്ന റയില്‍വേ ഗാങ്മാന്‍ ശങ്കരന്‍ മകന് എന്നും കത്തുകളെഴുതും. 15 വര്‍ഷം കത്തെഴുതിയിട്ടും മറുപടിയൊന്നും ലഭിക്കുന്നില്ല. ശങ്കരന്റെ അവസാനത്തെ കത്ത് രാമുവിനെ തേടിയെത്തുന്നതോടെ അയാളും അസ്വസ്ഥനാകുന്നു. അച്ഛന്റെ രോഗം മകനെയും പിടിക്കുന്നു. ഇന്നസെന്റ്, ജയസൂര്യ, മീരാനന്ദന്‍, അനൂപ് മേനോന്‍ എന്നിവര്‍ പ്രധാന കഥാപാത്രങ്ങളെ അവതരിപ്പിച്ച ചിത്രം മനസ്സില്‍ തൊടുന്ന കുറേ മുഹൂര്‍ത്തങ്ങളുമായാണ് എത്തിയത്. ഡെന്നീസ് ജോസഫിന്റെ തിരക്കഥയില്‍ ജോഷി മാത്യു സംവിധാനം ചെയ്ത ചിത്രം ഗൗരവമായ വിഷയം കൈക്കുറ്റപ്പാടുകളില്ലാതെ പറഞ്ഞിരിക്കുന്നു.

ഇന്നസെന്റിന്റെയും ജയസൂര്യയുടെയും അഭിനയത്തിലെ മറ്റൊരു തലമാണ് പ്രേക്ഷകര്‍ക്കുമുന്നില്‍ ചിത്രമെത്തിച്ചത്. നിരവധി വാണിജ്യ സിനിമകളിലൂടെ മലയാള സിനിമയില്‍ ഇടംനേടിയ തിരക്കഥാകൃത്തും സംവിധായകനുമായ ഡെന്നീസ് ജോസഫിന്റെ വേറിട്ട സമീപനമാണ് പത്താംനിലയിലെ തീവണ്ടിയുടെ തിരക്കഥയില്‍ വെളിവാക്കിയത്. ഈ ചിത്രത്തിലൂടെ നിര്‍മാതാവായി സംവിധായകന്‍ ജോസ് തോമസ്, തിരക്കഥാകൃത്തായി ഡെന്നീസ് ജോസഫ്, സംവിധായകനായി ജോഷി മാത്യു എന്നിവര്‍ ഒന്നിക്കുമ്പോള്‍ മൂന്ന് സംവിധായകര്‍ ഒരു ചിത്രത്തിനുവേണ്ടി ഒന്നിക്കുകയായിരുന്നു.

10.പാസഞ്ചര്‍
ആദ്യമായി തിരക്കഥയെഴുതി സംവിധാനംചെയ്ത ചിത്രം ശ്രദ്ധേയമാവുക. അങ്ങനെയൊരു സൗഭാഗ്യമാണ് രഞ്ജിത് ശങ്കര്‍ എന്ന സംവിധായകന് 'പാസഞ്ചറി'ലൂടെ ലഭിച്ചത്. സമകാലിക സമൂഹം നേരിടുന്ന ചില പ്രശ്‌നങ്ങളെ സ്പര്‍ശിച്ചാണ് പാസഞ്ചര്‍ യാത്രതുടങ്ങിയത്. വാണിജ്യ സിനിമകള്‍ സ്വീകരിക്കുന്ന കോംപ്രമൈസുകളൊക്കെ ഒഴിവാക്കി വളരെ ഗൗരവമായ വിഷയമാണ് പ്രേക്ഷകര്‍ക്കുമുന്നില്‍ ചിത്രമെത്തിച്ചത്.

ശ്രീനിവാസന്‍, ദിലീപ്, മംമ്ത തുടങ്ങിയവര്‍ ശ്രദ്ധേയ കഥാപാത്രങ്ങളെ അവതരിപ്പിച്ച ചിത്രം പുതുമയാര്‍ന്ന ഒരു വിഷയമാണ് പറഞ്ഞത്. കുടുംബാന്തരീക്ഷത്തിലെ സ്‌നേഹക്കാഴ്ചകളൊക്കെ അതില്‍ ഇഴചേരുന്നു. ആദ്യ സംവിധാനത്തിന്റെ പാകപ്പിഴകളില്ലാതെ ചിത്രമൊരുക്കാന്‍ രഞ്ജിത് ശങ്കറിനു കഴിഞ്ഞു. കഥപറച്ചിലിന് തടസ്സമാകുമെന്ന് കരുതി സ്ഥിരം വാണിജ്യ സിനിമകള്‍ അനുവര്‍ത്തിക്കുന്ന കാര്യങ്ങളൊന്നും ചിത്രത്തില്‍ ഉള്‍പ്പെടുത്തിയിട്ടില്ല. എന്നാല്‍ നര്‍മമുഹൂര്‍ത്തങ്ങള്‍ നിറച്ച് സരസമായി കാര്യങ്ങള്‍ പറയാന്‍ സംവിധായകന്‍ ശ്രദ്ധിച്ചിട്ടുണ്ടായിരുന്നു.

ആക്ഷേപഹാസ്യം കലര്‍ന്ന സംഭാഷണം, ഒരു സസ്‌പെന്‍സ് ത്രില്ലറിന്റെ വേഗം തുടങ്ങിയവ ചിത്രത്തിനുണ്ടായിരുന്നു. പി. സുകുമാറിന്റെ ഛായാഗ്രഹണവും ചിത്രത്തിന്റെ മേന്മ വര്‍ധിപ്പിക്കാന്‍ സഹായകമായിട്ടുണ്ട്. ഒരു ചിത്രത്തിന്റെ വലിയൊരു ഭാഗവും ട്രെയിനില്‍വെച്ച് ചിത്രീകരിക്കുക എന്ന പുതുമയാണ് ചിത്രത്തിന്റെ പ്രധാന ഹൈലൈറ്റ്.

കടപ്പാട്-മാതൃഭൂമി

കേരള കഫേ : മലയാള സിനിമയുടെ വേറിട്ട മുഖം

2009-11-07T05:12:00.000-08:00

Review from mathrubhumi : by ജോയ് മാത്യു

കേരള കഫേ വെറുമൊരു കാപ്പിക്കടയല്ല. അവാര്‍ഡ് പടത്തിനൊരു ഫോര്‍മുല കച്ചവട സിനിമയ്ക്ക് മറ്റൊരു ഫോര്‍മുല എന്ന് വേര്‍തിരിവുണ്ടാക്കി , കൈയിലിരിപ്പിന്റെയും ഉമ്മിണി വലിയ വായ്ത്താരികളുടെയും പിന്‍ബലത്തില്‍ , തങ്ങളുണ്ടാക്കുന്ന ചരിത്രാവശിഷ്ടങ്ങളുടെ തിരുശേഷിപ്പുകള്‍ക്ക് അവാര്‍ഡുകള്‍ സംഘടിപ്പിക്കുകയോ, അത് കിട്ടാതെ വന്നാല്‍ സങ്കടപ്പെടുകയോ ചെയ്യുന്നവരോട്, ദേ, ഇതൊന്ന് കണ്ടിട്ട് പോവാം,ഒരു കാപ്പിയും കുടിക്കാം എന്ന് സധൈര്യം പറയാന്‍ കഴിയുന്ന, വര്‍ത്തമാനകാല മലയാളി ജീവിതത്തിന്റെ പത്തു മുഖങ്ങളാണ് കേരളാ കഫേയിലെ വിഭവങ്ങള്‍.

അബുദാബിയില്‍ നടന്ന മിഡില്‍ ഈസ്റ്റ് ഫിലിം ഫെസ്റ്റിവലില്‍ മലയാളത്തില്‍ നിന്നുള്ള ഒരേയൊരു പ്രാതിനിധ്യമായി എത്തിയ കേരള കഫേ കാണുവാന്‍ ഭാഷാവ്യത്യാസമില്ലാത്ത ജനക്കൂട്ടമാണുണ്ടായിരുന്നത്. പത്ത് സംവിധായകര്‍; അതില്‍ പ്രശസ്തരോ അപ്രശസ്തരോ ഉണ്ടാവാം. ഒരു കാര്യത്തില്‍ അവര്‍ ഒന്നാണ്; പ്രാഗല്ഭ്യത്തിന്റെ കാര്യത്തില്‍. സിനിമയോടുള്ള പ്രണയം മനസ്സില്‍ സൂക്ഷിക്കുകയും വയറ്റുപ്പിഴപ്പിന്റെ നിര്‍ബന്ധങ്ങളാല്‍ വിപണിക്ക് സമരസപ്പെടുകയും ചെയ്യേണ്ടിവന്നവരുടെ സര്‍ഗാത്മകതയുടെ സ്വാതന്ത്ര്യ പ്രഖ്യാപനമായാണ് കേരള കഫേയിലെ സിനിമകളെ കാണാന്‍ കഴിയുക. പിഴവുകളും പാളിച്ചകളുമല്ല ഇവിടെ വിശകലനം ചെയ്യേണ്ടതെന്നെനിക്ക് തോന്നുന്നു. മറിച്ച്, ഇത്തരത്തിലൊരു ആകാശം ഇവര്‍ക്ക് ലഭ്യമാക്കിയ ആലോചനയെ, അത് മുന്നോട്ടുവെക്കുന്ന കൂട്ടായ്മയെ അഭിനന്ദിക്കുകയാണ് വേണ്ടത്.

വിപണി നിശ്ചയിക്കുന്ന ചട്ടക്കൂടുകള്‍, അനുരഞ്ജനങ്ങള്‍, ഭാഗ്യ നിര്‍ഭാഗ്യങ്ങള്‍ , ലാഭ നഷ്ടങ്ങള്‍ ഇതെല്ലാം നിരന്ന ചതുരംഗപ്പലക പോലെയാണ് വന്‍ മൂലധനത്തിലൂന്നിയുള്ള സിനിമയുടെ ആവിഷ്‌കാര പരിസരം. അതിശയോക്തിയുടെ കടുത്ത ചായക്കൂട്ടുകള്‍കൊണ്ട് യാഥാര്‍ഥ്യത്തെ മറയ്ക്കുവാനോ പെരുപ്പിക്കുവാനോ സിനിമ തിരക്ക് കൂട്ടുമ്പോള്‍ പ്രേക്ഷകന്‍ വിഡ്ഢികളാക്കപ്പെടുന്നത് പതിവു കാഴ്ചയാണ്. ഒരു ഉദാഹരണത്തിന്; സിനിമയിലെ കോടതി രംഗം തന്നെ നോക്കാം.ഏതെങ്കിലും കേസില്‍പ്പെട്ടു പോയ ഏത് മലയാളിക്കുമറിയാം കോടതിക്കാര്യങ്ങള്‍ !...ഒരു നിസ്സാര കേസില്‍പ്പോലും മാസങ്ങളും കൊല്ലങ്ങളും കഴിഞ്ഞാണ് വിധി വരിക.

എന്നാല്‍ നമ്മുടെ സിനിമയില്‍ ഒറ്റയടിക്കു തന്നെ പുലിപോലെ ചീറുന്ന വക്കീലന്മാരെയും അന്നുതന്നെ വിധി പ്രഖ്യാപനം നടത്തുന്ന ന്യായാധിപനെയുമൊക്കെ കാണുമ്പോള്‍ പ്രേക്ഷകര്‍ക്കെന്നപോലെ ഈ സിനിമയുണ്ടാക്കുന്ന സംവിധായകനുമറിയാം ഇത് ശരിയല്ലെന്ന്, എന്നാല്‍ മാര്‍ക്കറ്റിലേക്കയ്ക്കുന്ന ഉത്പന്നത്തിന്റെ വിപണനത്തിന് ഈ അരുതായം ചെയ്‌തേ പറ്റൂ . ഈ ഒരു സംഘര്‍ഷം കലാകാരനെന്ന നിലയ്ക്കുള്ള അയാളുടെ ഔചിത്വത്തെ പരിഹസിക്കുന്നതിന്റെ മനോവേദന അയാള്‍തന്നെ അനുഭവിക്കുന്നുണ്ടാവണം. അതുകൊണ്ടാണ് ഈ തിരിച്ചറിവുകളോടുള്ള സന്ധിയാല്ലാപ്രഖ്യാപനമായി കേരള കഫെയിലെ നേര്‍ക്കാഴ്ചകള്‍ മാറുന്നത്.

ഹ്രസ്വചിത്രങ്ങളുടെ മുത്തപ്പനായ Roberto Enricoയുടെ An incident at Owl Creek Bridge തുടങ്ങിയ ക്ലാസിക്കുകള്‍ ഓര്‍മിച്ചു കൊണ്ടുതന്നെ പറയാം, നല്ല സിനിമ യാഥാര്‍ഥ്യത്തെ പ്രകാശിപ്പിക്കുകയും വ്യാഖ്യാനിക്കുകയും ചെയ്യുമെങ്കില്‍ കേരള കഫെയെ ആ ഗണത്തില്‍പെടുത്താനാണ് ഞാനാഗ്രഹിക്കുക. ഇതില്‍, ആദ്യ കാഴ്ചയില്‍ത്തന്നെ 'ഞാന്‍ നിന്നെ കെട്ടിക്കോട്ടെ ''എന്ന് ചോദിക്കുന്ന വളച്ചുകെട്ടില്ലാത്ത പ്രണയമുണ്ട്; Lady Gregory യുടെ Rising of the Moon എന്ന പ്രശസ്തമായ ഐറിഷ് നാടകത്തിലെ അമ്മയെ നിഷ്പ്രഭമാക്കാന്‍പോന്ന ഒരിക്കലും വരാത്ത മകനെയും കപ്പലിനെയും കാത്തിരിക്കുന്ന കടപുഴകിയ മാതൃത്വമുണ്ട്. ഗള്‍ഫ് മലയാളികളുടെ പൊങ്ങച്ചവും സ്വാര്‍ഥതയും അല്‍പ്പത്തവും കപടനാട്യവുമുണ്ട്. ബാധ്യതകളുടെ പെരുങ്കടലില്‍ !! ആത്മഹത്യമാത്രം അഭയമെന്ന് കരുതിപ്പോകുന്ന ഇടത്തരക്കാരന്റെ ജീവിതവും സാമ്പത്തിക മാന്ദ്യത്തിന്റെ മധ്യവര്‍ഗ പ്രതിനിധിയുമുണ്ട്.

ആജ്ഞേയാസക്തികളുടെ സംഗീതികയില്‍ ഹോമിക്കപ്പെട്ട യൗവനമുണ്ട്; പാറമടകളിലെ പരുക്കന്‍ ജീവിതങ്ങളില്‍ നിന്നും കാമലീലകള്‍ക്കായി വില്‍ക്കപ്പെടുന്ന ബാലികമാരുടെയും അവരുടെ അമ്മമാരുടെയും കനല്‍കണ്ണീരുണ്ട്. അതേസമയം നവകന്യകമാരുടെ ചെറുത്തുനില്‍പ്പിന്റെ അതിമനോഹരമായ, എന്നാല്‍ തീയില്‍പ്പൊതിഞ്ഞ, ചിരിയുണ്ട്. തെരുവ് പട്ടി നക്കിനോക്കുന്ന മില്ല്യണയര്‍മാരുടെ ആധുനിക കാലത്തെ തട്ടിപ്പും വെട്ടിപ്പുമുണ്ട്.

നീയെനിക്ക് മകനും ഭര്‍ത്താവും തന്നെയെന്ന് പറയുന്ന സ്ത്രീത്വത്തിനു മുന്‍പില്‍ രക്തം ചിന്തി പ്രാണന്‍ വെടിയുന്ന കാമുകനുണ്ട്. പ്രണയകാല വ്യഥയുമായി മധ്യവയസ്സ് കടക്കുന്നവന്‍ പുറംകാഴ്ചകളില്‍ കാണുന്ന പുതുമരം മണക്കുന്ന ശവപ്പെട്ടിയുണ്ട്. ഇരുമ്പുപാളങ്ങളില്‍ കൂട്ടബലിക്കിരയായിത്തീര്‍ന്ന പ്രിയപ്പെട്ടവരെ നഷ്ടപ്പെട്ടവന്റെ ഏകാന്തതയുണ്ട്..ജീവിതം ഇതൊക്കെയാണെടോ എന്ന് വളരെ ലളിതമായി, നാട്യങ്ങളേതുമില്ലാതെ പറഞ്ഞുവെക്കുകയാണ് പത്തു സംവിധായകര്‍ കേരള കഫേയില്‍.

മുഴുനീള സിനിമകളുടെ യുക്തിയില്ലായ്മയെ തീര്‍ത്തും മാറ്റിനിര്‍ത്തിയുള്ള ആവിഷ്‌കാരമാണ് അധികം പേരും സ്വീകരിച്ചിരിക്കുന്നത് എന്നതുകൊണ്ടുതന്നെ സംവേദനത്തിന്റെ കാര്യത്തില്‍ യാതൊരു അധിക ബാധ്യതയും ഈ സിനിമകള്‍ പ്രേക്ഷകനില്‍ അടിച്ചേല്‍പ്പിക്കുന്നില്ല. പറയുവാന്‍ ഒരു കാര്യം, പറഞ്ഞുവെക്കാന്‍ ഒരു ചലച്ചിത്രഭാഷ അത്രതന്നെ. മുഴുനീള സിനിമകള്‍ ആവശ്യപ്പെടുന്ന ചതുരങ്ങളും പിരിയന്‍ കോവണികളും ഇവരെ ബാധിക്കുന്നതേയില്ല എന്നത് ഒരത്ഭുതമായി നില്‍ക്കുന്നു. ഫോര്‍മുല എന്നൊക്കെ പറയുന്നതിനെ പുല്ലുവിലയായി കാണുന്ന ഒരു തരം ചങ്കുറപ്പ്.

ആര്‍.വേണുഗോപാലിന്റെ കവിതയെ അടിസ്ഥാനപ്പെടുത്തി, മൂര്‍ച്ചയേറിയ സാമൂഹിക വിമര്‍ശത്തിലൂന്നിയ, പത്മകുമാറിന്റെ 'നാട്ടുവഴികള്‍', ഗള്‍ഫ് മലയാളിയുടെ അല്പത്തത്തിന്റെയും സ്വാര്‍ഥതയുടെയും, ഗൃഹാതുരത്വം എന്ന കപടനാട്യത്തിന്റെയും തൊലിയാണ് പൊളിച്ചുകളയുന്നത്. ദിലീപും നവ്യാനായരും സുധീഷും ഇവിടെ ഗള്‍ഫ് മലയാളിയുടെ ജീവിതത്തിലെ വേറിട്ട കാഴചയല്ലാതാവുന്നു.
മറ്റുള്ള ഒമ്പതു പേര്‍ക്കുമൊപ്പം, തന്റെതായ ദൃശ്യഭാഷയാല്‍ , പെരുമണ്‍ ദുരന്തത്തിലൂന്നിയ Island Express, ശങ്കര്‍ രാമകൃഷ്ണന്‍ എന്ന നവാഗതന്‍ മനസ്സില്‍തട്ടുന്ന ചിത്രമാക്കി.

യുക്തിയെ പിന്തുടരുന്ന രീതിയാണ് ഒമ്പത് സിനിമകളിലെങ്കില്‍ അയുക്തിയുടെ ലോകത്തേക്കാണ് ഉദയ അനന്തന്‍ എന്ന സംവിധായകന്‍ തന്റെ മൃത്യുഞ്ജയവുമായി എത്തുന്നത്.കേരളീയ മനസ്സിന്റെ അടിത്തട്ടില്‍ ഇന്നും വേവാതെ വേവുന്ന ഭാവനകളുടെ ഭയപ്പെടുത്തുന്ന നിലാവുണ്ട്. അവിടെ യുക്തിക്ക് സ്ഥാനമില്ല. എന്നാല്‍ അത് ഒരു ചെറു സിനിമയാക്കുമ്പോള്‍ ആഖ്യാനത്തിന്റേതായ യുക്തി ആവശ്യവുമാണ്. യുക്തിയില്ലായ്മയുടേതായ ഒരു മാന്ത്രികലോകം സൃഷ്ടിച്ച് അതില്‍ പ്രണയമെന്ന യുക്തിയില്‍ ഒരു ഒറ്റവരി കവിതയാക്കുകയാണ് ഉദയ് അനന്തന്‍ മൃത്യുഞ്ജയത്തെ. ഹരി നായരുടെ ഛായാഗ്രഹണ വിരുതാണ് ഈ ചിത്രത്തിന്റെ കാതല്‍. രൗദ്ര ചലനങ്ങളാല്‍ ഇരുട്ടിന്റെയും നിശ്ശബ്ദതയുടെയും താളത്താല്‍ സംവിധായകന്റെ ഈ ഒറ്റവരിക്കവിതയെ സംഗീതസാന്ദ്രമാക്കുകയാണ് ഹരി നായര്‍.

വില്‍പ്പനയുടെ ദൃശ്യഭാഷ നന്നായറിയുന്ന ഷാജി കൈലാസിന്റെ കൈത്തഴക്കാമാര്‍ന്ന ആംഗിളുകളേക്കാള്‍ ആഴംകൂടിയ, എന്നാല്‍ അളന്നു മുറിച്ച സംഭാഷണങ്ങള്‍, സുരേഷ് ഗോപി,ജ്യോതിര്‍മയി എന്നിവരുടെ അഭിനയത്തിലെ മിതത്വം എന്നിവ കൊണ്ട് ഒരു ഭാവഗീതംപോലെ മനോഹരമായി, ലളിതം ഹിരണ്‍മയം. ഗഹനമായതും എന്നാല്‍ ലോകത്തെയാകെ പിടിച്ചുലയ്ക്കുന്നതുമായ സാമ്പത്തിക മാന്ദ്യം , ലളിതവും സുതാര്യവുമായി, മധ്യവര്‍ഗ ജീവിതത്തിന്റെ ശൂന്യവും ദുസ്സഹവുമായ ഒരൊഴിഞ്ഞ വീട്ടില്‍! നിറയുന്ന ആത്മഹത്യയുടെ മണമെന്ന പോല്‍, ഒരു നെടുവീര്‍പ്പില്‍ അലിഞ്ഞുതീരുന്നതിന്റെ ചാരുതയാണ്, ബി.ഉണ്ണികൃഷ്ണന്റെ അവിരാമം പ്രേക്ഷകനില്‍ അവശേഷിപ്പിക്കുന്നത്.

രേവതിയുടെ 'മകള്‍' കാട്ടുന്നത് ജീവിതത്തെ നെടുകെ പിളര്‍ക്കുന്ന ദാരിദ്ര്യം; അതിന്റെ പാറമടകളില്‍ പെറ്റുകൂട്ടുന്ന പെണ്‍ജന്മങ്ങള്‍. ഭീകരമായൊരു സ്വപ്‌നം പോലെ, പ്രേക്ഷകരെ വേട്ടയാടുന്ന ഒരു ചോരവീണ മയില്‍പ്പീലിയാണ്, ഈ പെണ്‍ കൂട്ടുകെട്ട് ഒരുക്കിയെടുത്ത മകള്‍. നെഞ്ഞുരുക്കുന്ന അഭിനയമാണ് ഇതിലെ അമ്മയായി വേഷമിട്ട, ലണ്ടന്‍ തിയറ്റര്‍ ഗ്രൂപ്പിലെ, അര്‍ച്ചന കാഴ്ച വെക്കുന്നത്. മൗനത്തിലാണ്ടുപോയ മയില്‍പ്പീലി ( ഇതിലെ പെണ്‍കുട്ടിയെ അങ്ങനെ വിളിക്കാമെന്നു തോന്നുന്നു) യെയും അവരുടെ കുടുംബാംഗങ്ങളെയും ഒരു ഡോക്യുമെന്ററി സിനിമയിലേതെന്ന് തോന്നിപ്പിക്കുന്ന കാസ്റ്റിങ്ങിലൂടെ, ഫിക്ഷനായി പോകുമായിരുന്ന ഒരു കഥയെ, പൊള്ളുന്ന ഒരു നേര്‍ക്കാഴ്ചയാക്കി ഉയര്‍ത്താന്‍ രേവതിക്ക് കഴിഞ്ഞു. ഞെട്ടിപ്പിക്കുന്ന സത്യങ്ങള്‍ പറയാന്‍ അതിശയഭാഷകള്‍ വേണ്ടെന്ന് രേവതി മകളിലൂടെ സമര്‍ഥിക്കുന്നു.

കനത്ത മഴ...ഉണങ്ങാനിട്ടിരിക്കുന്ന, പ്രേതരൂപികളായി കാറ്റിലുറഞ്ഞാടുന്ന, അലക്കിയ തുണികള്‍.കപ്പലേറ്റിക്കൊണ്ടുപോകുവാനായി, എന്നോ മരിച്ചുപോയ, മകന്‍ വരുന്നതും കാത്തിരിക്കുന്ന വാര്‍ദ്ധക്യം കടപുഴക്കിയ മാതൃത്വം... ലാറ്റിനമേരിക്കന്‍ സിനിമകളുടെ ദൃശ്യഭംഗിയെ അതിശയിപ്പിക്കുന്ന ഷോട്ടുകളൊരുക്കിയ സുരേഷ് രാജന്‍. അന്‍വര്‍ റഷീദിന്റെ BRIDGE തീവ്രമായൊരനുഭവമാകുന്നത് അതിന്റെ പരിചരണമികവുകൊണ്ടു തന്നെയാണ്.

അലക്കുകാരനും ഭാര്യയും കിടക്കപ്പായില്‍ ഉരുവിടുന്ന വാക്കുകളും മൗനവും മഴയും ഒരു ഭാഗത്ത്; ഉപേക്ഷിക്കപ്പെടുന്ന പൂച്ചക്കുഞ്ഞും അതുമൂലം രോഗാതുരനായിപ്പോകുന്ന സ്‌കൂള്‍കുട്ടിയും മഴയുടെ മറുവശത്ത്. പുറമ്പോക്കില്‍ പാഴ് ജന്മങ്ങള്‍ തിരഞ്ഞുതീരുന്ന ഒരച്ഛനും ജനത്തിരക്കില്‍ അമ്മയെ ഉപേക്ഷിച്ചു കടന്നുകളയേണ്ടിവന്ന മകനും കണ്ണീര്‍ മഴയില്‍ സംവിധായകന്‍ വാര്‍ക്കുന്ന പാലമേതാണ്? കേരള കഫെയുടെ പിന്നാമ്പുറത്തെവിടെയോ, ഉപേക്ഷിക്കപ്പെട്ട പാഴ്ജന്മങ്ങള്‍ തമ്മില്‍ ചേരുന്നതു കാണുമ്പോള്‍ , സിനിമാശാല നിശ്ശബ്ദതയുടെ കടലായി മാറുകയായിരുന്നു.കോഴിക്കോട്ടുകാരുടെ പ്രിയപ്പെട്ട ശാന്തേടത്തി ഇതുവരെ അവതരിപ്പിച്ചതില്‍ ഏറ്റവും മികച്ച വേഷം ഈ ഹ്രസ്വചിത്രത്തിലെ പ്രകടനമായിരിക്കും. അതുപോലെ ഒരു ഭീകരനാണ് സലിം കുമാര്‍; പ്രേക്ഷകന്റെ കണ്ണീരുകടയുന്ന കാര്യത്തില്‍! നിത്യജീവിത ദുരിതങ്ങളുടെ തോരാമഴയത്ത് കിടക്കപ്പൊറുതി തരാത്ത ഭാര്യയോട് പ്രേക്ഷകനു വെറുപ്പാണ് തോന്നേണ്ടത്; എന്നാല്‍ അനുകമ്പയാണ് കല്‍പനയുടെ മിതത്വമാര്‍ന്ന അഭിനയം നേടിയെടുത്തത്. BRIDGE എന്ന ഹ്രസ്വ ചിത്രം നല്‍കുന്ന ദ്രശ്യചാരുതയ്ക്ക് ഒരു ഭാഷയുണ്ടെങ്കില്‍ അതിനെ ആര്‍ദ്രത എന്ന് വിളിക്കാം. വേലക്കാരി മറിയച്ചേടത്തിയുടെ തിരഞ്ഞെടുപ്പ് മുതല്‍ സിനിമാശാലയില്‍ നിന്നിറങ്ങിവരുന്ന സലിംകുമാറിന്റെ തകിടം മറിഞ്ഞ മാനസികനിലയെ ബോധപൂര്‍വം ക്യാമറയുടെ അപഥ സഞ്ചാരമാക്കി മാറ്റിയതടക്കം, ചലച്ചിത്ര ഭാഷ കൈകാര്യം ചെയ്യുന്നതില്‍, തനൊരു ഭയങ്കരനാണെന്ന് സംവിധായകന്‍ അന്‍വര്‍ റഷീദ് സ്ഥാപിക്കുന്നു.

കേരള കഫേ വെറും ദുരിതങ്ങളുടേയും വേദനകളുടെയും വില്‍പ്പനശാലയാണോ?.

ഇതു മാത്രമാണോ നമുക്ക് ചുറ്റിലുമുള്ളത്? വരട്ടെ, അഭിപ്രായം പറയാന്‍ വരട്ടെ.
എറണാകുളം-കോഴിക്കോട് റൂട്ടിലോടുന്ന ബസ്സില്‍ ഒരു പത്തൊന്‍പതുകാരി ഇരിപ്പുണ്ട്. അടുത്ത സീറ്റ് കാലിയാണെന്ന് കരുതി ഓടിച്ചെന്നിരിക്കാനോ അവളെ വളയ്ക്കാനോ നോക്കണ്ട, പുലിയാണവള്‍... കടിക്കുകയോ മാന്തുകയോ ഒന്നും ചെയ്യില്ലെങ്കിലും അവളൊരു പുലിയാണ്; കാരണം അവളുടെ കയ്യിലുള്ളത് ബോംബാണ്. തന്നെയും തന്നോടൊപ്പം ബസ്സിലുള്ള മുഴുവന്‍ പേരെയും ചുട്ടു ചാമ്പലാക്കുവാന്‍ തന്റെ പഴഞ്ചന്‍ മൊബൈല്‍ ഫോണിലൊന്ന് വിരലമര്‍ത്തിയാല്‍ മതി അവള്‍ക്ക്. എന്തിനും ഒരുമ്പെട്ടിറങ്ങിയതാണവള്‍; തീവ്രവാദി! ആകാംക്ഷയുടെ മുള്‍മുനയിലാണ് ഇനിയുള്ള ദൂരം ഈ ബസ്സ് ഓടുക. അതിനാല്‍ പൊട്ടാന്‍പോകുന്ന ബോംബിന്റെ പിന്നിലെ രഹസ്യം അങ്ങനെയിരിക്കട്ടെ. അളന്നു മുറിച്ച ചലനങ്ങള്‍, കൃത്യമായ സംഭാഷണങ്ങള്‍.. ഒരു ചെക്കോവിയന്‍ ചെറുകഥയുടെ കൈയടക്കം പോലെ, വശ്യം, മനോഹരം, ഈ പെണ്‍ സ്പര്‍ശം. അഞ്ജലീ മേനോന്റെ Happy journey കേരളത്തിലെ മാറുന്ന പെണ്‍കുട്ടിയുടെ ധീരമായ മുഖമാണ് നമുക്ക് കാണിച്ചു തരുന്നത്. അതെ, പുതിയ പെണ്‍കുട്ടികളുടെ കൈയില്‍ ബോംബുകളുണ്ട്, സൂക്ഷിക്കുക; സീറ്റ് മാറിയിരിക്കുക.

ഇപ്പോള്‍ തിയറ്ററില്‍ ഉയരുന്ന കരഘോഷം ഈ പെണ്‍കുട്ടിക്കുള്ളതാണ്. അടുത്തിരിക്കുന്ന ആള്‍ ചോദിച്ചു: അടുത്തത് ആരുടെ പടം? ഞാന്‍ പറഞ്ഞു: ശ്യാമപ്രസാദിന്റെ. ഉടന്‍ അയാള്‍ മുന്‍വിധിയെഴുതി: ഓ, സീരിയസ്സായിരിക്കും!

ആദ്യ സീനില്‍ത്തന്നെ പ്രേക്ഷകര്‍ പൊട്ടിച്ചിരിച്ചപ്പോള്‍ അയാള്‍ അമ്പരന്നു. ഹവ്വാ ബീച്ചില്‍ തലപൂഴ്ത്തി ശീര്‍ഷാസനത്തില്‍ നില്‍ക്കുന്നത് മില്ല്യണയര്‍ ; അയാളെ നക്കി നോക്കുന്നത് സ്ലം ഡോഗ് (സാക്ഷാല്‍ കൊടിച്ചി പട്ടിതന്നെ)! ഗ്രാഫിക്‌സിന്റെ പുത്തന്‍ സാധ്യതകള്‍ സന്നിവേശിപ്പിച്ച് ആദ്യ ഫ്രെയിമില്‍ത്തന്നെ പ്രേക്ഷകനെ കുടുക്കിയിട്ടു കളഞ്ഞു സംവിധായകന്‍! അഴകപ്പന്റെ അഴകേറിയ ഫ്രെയിമുകളുടെ അവിരാമമായ ചലനങ്ങള്‍, എഡിറ്റിങ്ങിലെ തിരമാല വേഗം, മലയാളികളെപ്പോലെ അഭിനയിക്കുന്ന സായിപ്പും മദാമ്മയും. സായിപ്പിനെപ്പോലും തോല്‍പ്പിക്കുന്നതാവട്ടെ, തൊമ്മിക്കുഞ്ഞെന്ന സുരാജ് വെഞ്ഞാറമ്മൂട്! സാമ്പത്തിക മാന്ദ്യം സായിപ്പിനെ കേരളത്തില്‍ ജോലിയന്വേഷിച്ചുവരുന്ന അവസ്ഥയിലെത്തിച്ചെന്ന് ഹാസ്യത്തില്‍ പറഞ്ഞുതീര്‍ക്കുന്ന ശ്യാം, വലിയ കാര്യങ്ങള്‍ ദേ ഇങ്ങനേയും പറയാം, എന്ന് ബോധ്യപ്പെടുത്തുകയാണ് Off Season എന്ന ചിത്രത്തിലൂടെ. ശ്യാമപ്രസാദിന്റെ കൈയൊപ്പ് അതുകൊണ്ടുതന്നെ കൂട്ടത്തില്‍ വേറിട്ട അനുഭവമായി.

അപ്പോഴേക്കും അടുത്തയാള്‍ കേരള കഫെയിലെത്തി. മധ്യവയസ്സ് കഴിഞ്ഞ രൂപം,പഴയ ജോലിസ്ഥലവും അതുണര്‍ത്തുന്ന പ്രണയാര്‍ദ്രമായ ഓര്‍മകളുമായി അയാള്‍ (ശ്രീനിവാസനാണ് ശ്രീനിവാസനാവാതെ ഈ വേഷംഅഭിനയിച്ചത്) യാത്രയാവുകയാണ്, പുറം കാഴ്ചകളിലേക്ക്..മലമ്പാതകള്‍ ചുറ്റിപ്പോകുന്ന ബസ്സില്‍ത്തന്നെ, സമയം കൂടുതലെടുത്തായാലും പോയാല്‍ മതി, അയാള്‍ക്ക്; കാരണം, അയാള്‍ക്ക് തിരക്കില്ല, അയാള്‍ക്കെന്നല്ല,പലര്‍ക്കും തിരക്കില്ല. പുറം കാഴ്ചകളുടെ ഹരിതാഭയും വെള്ളച്ചാട്ടങ്ങളുടെ ഭംഗിയുമൊക്കെ ആസ്വദിച്ച് യാത്ര ചെയ്യുവാനാണ് എല്ലാവര്‍ക്കുമിഷ്ടം. കൂട്ടത്തിലെ കുസൃതികളായ യുവതീ യുവാക്കള്‍ക്കും ഇതൊരു ഉല്ലാസ യാത്രയാണ് എന്ന് കരുതിയിരിക്കുമ്പോഴാണ്, അതിനെയെല്ലാം മാറ്റി മറിച്ച് തിരക്കുള്ള ഒരാളെത്തുന്നത്. റോഡുകളിലൂടെ വളഞ്ഞു പുളഞ്ഞും ഇടയ്ക്ക് നിര്‍ത്തി കാപ്പി കുടിച്ചും തമാശിച്ചും സമയം കളയുന്നവര്‍ക്കെതിരെ അയാള്‍ തട്ടിക്കയറി. എല്ലാവര്‍ക്കും തമാശകള്‍ അവസാനിപ്പിക്കേണ്ടിവന്നു.

കാരണം അയാള്‍ അത്രയ്ക്ക് ബോറനാണെന്നവര്‍ക്ക് തോന്നിയിരിക്കാം. അതെ, അയാള്‍ക്ക് ധൃതിയുണ്ടായിരുന്നു; മുടിഞ്ഞ ധൃതി. സി.വി.ശ്രീരാമന്റെ കഥയെ അടിസ്ഥാനപ്പെടുത്തി ലാല്‍ ജോസ് സംവിധാനം ചെയ്ത വേറിട്ട കാഴ്ചകള്‍ വല്ലാത്തൊരു മൂടല്‍ മഞ്ഞാണ് മനസ്സിലവശേഷിപ്പിക്കുക. വേറിട്ട കാഴചകള്‍ എല്ലാ അര്‍ഥത്തിലും വേറിട്ട ഒരനുഭവമായി. പറഞ്ഞുവെക്കാത്ത ചിലതു കൂടി വായിച്ചെടുക്കാന്‍ പ്രേക്ഷകനെ നിര്‍ബന്ധിക്കുന്ന ഇതിന്റെ സംവിധാന മികവ് വേറിട്ട കാഴ്ചകള്‍ക്കൊരു മൂന്നാം മാനം നല്‍കാന്‍ ശ്രമിക്കുന്നുണ്ട്. ഒരു കടങ്കഥ പോലെ...ഒരു ഭഗ്‌നപ്രണയത്തിന്റെ ചിതലരിക്കാത്ത ശവപ്പെട്ടിപോലെ..

പൊടുന്നനെ സിനിമ തീര്‍ന്നു. അടുത്ത സീറ്റിലിരിക്കുന്ന മലയാളിക്ക് സംശയം: മമ്മൂട്ടിയല്ലേ, ഇപ്പോള്‍ ബസ്സിലുണ്ടായിരുന്നത്? ഞാന്‍ പറഞ്ഞു: അതെ, എന്തേ?

അല്ല, കൂട്ടത്തിലൊരാളെപ്പോലെ തോന്നിച്ചു.

മലയാളത്തിലെ അഭിനേതാക്കള്‍ ഒന്നടങ്കം അണിനിരന്ന് വേറെയും സിനിമകള്‍ ഉണ്ടായിട്ടുണ്ട്. അതിന്റെ ഒരെയൊരു ലക്ഷ്യം കച്ചവടം മാത്രമായിരുന്നതിനാല്‍ കേരള കഫേയിലിരുന്ന് ചര്‍ച്ച ചെയ്യേണ്ട വിഷയമല്ലാതായി ആ സിനിമ. കേരള കഫേയില്‍ കാപ്പികുടിക്കാന്‍ വരുന്നവരെപ്പോലെ സമന്മാരാണ് ഇതിലെ നടീനടന്മാര്‍.; എല്ലാവര്‍ക്കും മനുഷ്യമുഖങ്ങള്‍ മാത്രം. അതു തന്നെയാണ് ഇതിലെ പത്തു ചിത്രങ്ങളെയും വ്യത്യസ്തമാക്കുന്നത്. പത്തു സിനിമകള്‍, പത്തു പ്രമേയങ്ങള്‍, പത്ത് ആവിഷ്‌കാരങ്ങള്‍ പാളങ്ങളില്‍ നിന്ന് പാളങ്ങളിലേക്ക് മാറുന്ന തീവണ്ടിച്ചക്രങ്ങള്‍ പോലെ; എന്നാല്‍ എല്ലാം ചെല്ലുന്നത് ഒരു ദിശയിലേക്ക് കേരളം എന്ന യാഥാര്‍ഥ്യത്തിലേക്ക്.

യാഥാര്‍ഥ്യത്തിന്റെ ഈ പത്തു മുഖങ്ങള്‍ വിളക്കി ചേര്‍ക്കുവാനായി ഒരാളിരുപ്പുണ്ട്; രഞ്ജിത്ത്. പ്രമേയങ്ങളുടെ വ്യത്യസ്തതയും പരിചരണത്തിലെ പാകതയും സമന്വയിപ്പിക്കുക എന്ന കര്‍ത്തവ്യമാണ് രഞ്ജിത്ത് ഇവിടെ ചെയ്യുന്നത്. പത്ത് ചിത്രങ്ങളിലേയും കഥാപാത്രങ്ങള്‍ കയറിയുമിറങ്ങിയും കേരള കഫേയെ സജീവമാക്കണമെന്നതിലുപരി വാണിജ്യസിനിമയുടെ വക്താക്കളെന്ന് മുദ്രകുത്തപ്പെട്ടവരെയും അല്ലാത്തവരെയും ഒരുമിച്ചു നിര്‍ത്തി, പ്രേക്ഷകന്റെ മാറുന്ന അഭിരുചികള്‍ തിരിച്ചറിയുവാനും ചലച്ചിത്രഭാഷയുടെ സാധ്യത ഫലപ്രദമായി ഉപയോഗ
െപ്പടുത്തുവാനും ധൈര്യം കാണിച്ച ഒരാള്‍ എന്ന നിലയ്ക്കും രഞ്ജിത്ത് അഭിനന്ദനമര്‍ഹിക്കുന്നുണ്ട്.

കേരള കഫേയില്‍ നിന്നും തുറക്കുന്ന ജാലകം കേരളത്തിലെ യാഥാര്‍ഥ്യങ്ങളെക്കുറിച്ചാണെങ്കിലും ലോക സിനിമയുടെ വിശാലമായ ഒരാകാശം തങ്ങള്‍ക്കും അവകാശപ്പെട്ടതാണെന്ന് ഇതിലെ ചില സിനിമകളെങ്കിലും തെളിയിക്കുമെന്നുറപ്പാണ്. ഹ്രസ്വചിത്രത്തിന്റെ പരിമിതികള്‍, മലയാളി പ്രേക്ഷകന്റെ മുന്‍വിധികള്‍ക്ക് ഇട നല്‍കുന്ന അഭിനേതാക്കളുടെ കാസ്റ്റിങ്ങ്, ഫ്രെയിം ഭംഗിയില്‍ അമിതമായി അഭിരമിച്ചു പോകുന്ന സന്ദര്‍ഭങ്ങള്‍, ചെറുകഥകളോടുള്ള സാഹോദര്യത്തില്‍ മറന്നുപോകുന്നതും എന്നാല്‍ ഒരു ഹ്രസ്വചിത്രം നല്‍കേണ്ടതുമായ ധ്വനിസാന്ദ്രതയുടെ അഭാവം.....ഇങ്ങനെ ചില മുടന്തന്‍ വിമര്‍ശങ്ങള്‍ ഇതിലെ ചില ചിത്രങ്ങളെ മുന്‍നിര്‍ത്തി പറയാമെങ്കിലും ആകത്തുകയില്‍ (in totality) ഇതൊന്നും ഒരു വിഷയമല്ല തന്നെ.

നൊബേല്‍ ജേതാവ് ഗബ്രിയേല്‍ ഗാര്‍ഷ്യ മാര്‍കേസിന്റെ Strange Pilgrims എന്ന ചെറുകഥാ സമഹാരം ഓര്‍ത്തു പോവുകയാണ്. വ്യത്യസ്ത കാലങ്ങളില്‍ അദ്ദേഹം എഴുതിയ പതിമൂന്ന് ചെറുകഥകള്‍ ഒരൊറ്റ ശ്രേണിയില്‍ കോര്‍ത്തിണക്കിയ ആ പുസ്തകം, ഒരു ചെറുകഥാ സമാഹരത്തിന്റെ പരിമിതിയെ മറികടന്ന്, ഒന്ന് മറ്റൊന്നിന്റെ തുടര്‍ച്ചയായി വളരുന്ന രീതിയില്‍, ഒറ്റ കാതലില്‍ പണിതീര്‍ത്ത ഒരു ലാറ്റിനമേരിക്കന്‍ ജീവിത വൃക്ഷമായി വളരുകയാണ്. ഇതില്‍ വ്യത്യസ്ത സന്ദര്‍ഭങ്ങളും കഥാപാത്രങ്ങളും ഒരൊറ്റ ചരടില്‍ കോര്‍ത്തിരിക്കുന്നു. യൂറോപ്പിലെ വ്യത്യസ്ത ഭാഗങ്ങളില്‍ കഴിയുന്ന ലാറ്റിനമേരിക്കക്കാരുടെ പ്രശ്‌നങ്ങളാണ് എല്ലാ കഥകളെയും തമ്മില്‍ വിളക്കിച്ചേര്‍ക്കുന്ന കണ്ണിയെന്ന് ആമുഖത്തില്‍ മാര്‍കേസ് വ്യക്തമാക്കുന്നുണ്ട്. മാര്‍കേസിന്റെ മഹത്തായ കൃതിയുമായുള്ള താരതമ്യമല്ല പറഞ്ഞു വരുന്നത്. പ്രമേയങ്ങള്‍ വ്യത്യസ്തമാകുമ്പോഴും അവയെ വിളക്കി ചേര്‍ക്കുന്ന ഒരു പൊതു വസ്തുത ഉണ്ടായിരിക്കണം എന്നാണ്. കേരള കഫേ ആ അര്‍ഥത്തില്‍ കേരള യാഥാര്‍ഥ്യത്തിന്റെ പൊതുഭൂമികയിലാണ് കൊരുത്തിട്ടിരിക്കുന്നത്.

ആദ്യ സിനിമ പിടിക്കുമ്പോള്‍ വെച്ച ഫ്രെയിമില്‍ത്തന്നെ ദശാബ്ദങ്ങള്‍ കഴിഞ്ഞും ഉറഞ്ഞുപോയപോല്‍ , അഭിരമിച്ചുകൊണ്ടേയിരിക്കുന്ന മലയാളത്തിലെ സിനിമാ മാഷന്മാര്‍ (Masters of Film) കാലവും കരവിരുതും മാറിയത് കാണാന്‍ കേരള കഫേയിലൊന്നു കയറുന്നത് നന്നായിരിക്കും.അതെ, അതുകൊണ്ടാണ് ഞാന്‍ ആദ്യമേ പറഞ്ഞത് കേരള കഫേ ഒരു വെറും കാപ്പിക്കടയല്ല എന്ന്.

More : http://www.keralacafe.in/

BEVCO 100 പുതിയ ATM ബാറുകള്‍ തുടങ്ങാന്‍ തീരുമാനിച്ചു.....

2009-11-06T15:56:00.000-08:00

തിരുവനന്തപുരം: വര്‍ദ്ധിച്ചുവരുന്ന മദ്യ ഉപഭോഗം നിമിത്തം ബെവെരജസ് കോര്‍പറേഷന്റെ മദ്യ വില്പനശാലകളിലുണ്ടാകുന്ന നീണ്ട 'ക്യു' ഒഴിവാക്കാനായി 100 പുതിയ ATM ബാറുകള്‍ തുടങ്ങാന്‍ ബെവ്കൊ ഡയറക്ടര്‍ ബോര്‍ഡ്‌ യോഗം തീരുമാനിച്ചു.......
ഡെബിറ്റ്‌, ക്രെഡിറ്റ്‌ കാര്‍ഡുകള്‍ ഉപയോഗിച്ച് വളരെ എളുപത്തില്‍ മദ്യം കയ്ക്കലാക്കം.ബ്രാന്‍ഡ്‌ സെലക്ട്‌ ചെയ്യാനുള്ള സൗകര്യം ഇതില്‍ ഉണ്ടായിരിക്കും.തുടക്കത്തില്‍ വളരെ കുറച്ചു ബ്രാന്റുകള്‍ മാത്രമേ ലഭ്യമാകുകയുള്ളൂ.'DRY DAYS' ല്‍ ATM ബാറുകള്‍ പ്രവര്‍ത്തിക്കില്ല.

പഴശ്ശി രാജായില്‍ പാരഗന്‍ ചെരിപ്പോ?!

2009-10-21T10:23:00.000-07:00

മമ്മൂട്ടിയുടെ പഴശ്ശിരാജാ സിനിമയില്‍ നിന്നെടുത്ത ഒരു സ്ക്രീന്‍ ഷോട്ട്......മെതിയടി കിട്ടാനില്ലാത്തത് കൊണ്ടാവും Paragon Slippers ഇടേണ്ടി വന്നത്......http://www.asiabazaar.com/product/CO-14 ഇല്‍ നിന്ന് cheap rate നു കിട്ടുമായിരുന്നു....അല്ലെങ്കില്‍ at least Josco Rubbers ന്റെ Fischer Methiyadi Slippers എങ്കിലും ഉപയോഗിക്കാമായിരുന്നു.....!!!!!!

നൊബേല്‍ സമ്മാനവും ഗാന്ധിയും........

2009-10-17T21:05:00.000-07:00

മാതൃഭുമിയില്‍ വന്ന ന്യൂസ് സ്പെഷ്യല്‍ഇല്‍ ഒന്ന് കണ്ണോടിക്കൂ..........'സമ്മാനം അര്‍ഹിക്കുന്നവര്‍ക്ക് കിട്ടിയാല്‍ മാത്രമേ അതിനു മൂല്യം ഉണ്ടാകൂ'

ലോകത്ത് ഏത് പുരസ്‌കാരം പ്രഖ്യാപിക്കുമ്പോഴും അത് ലഭിക്കുന്ന ആളിന്റെ യോഗ്യത അഥവാ അവരുടെ അര്‍ഹത സംബന്ധിച്ച വിവാദങ്ങളും തര്‍ക്കങ്ങളും ഉണ്ടാകുന്നത് പുതിയ കാര്യമല്ല. നൊബേല്‍ സമ്മാനവും ഈ വിവാദങ്ങളില്‍ മുക്തമല്ലെന്നതിന് ചരിത്രം സാക്ഷി. നാ ല്‍പതുകള്‍ക്ക് ശേഷം സമാധാനത്തിനുള്ള നൊബേല്‍ സമ്മാനം പ്രഖ്യാപിക്കപ്പെട്ടപ്പോഴെല്ലാം ഉയരാറുള്ള ഒരു ഒരു പ്രശ്‌നമുണ്ട്. എന്തേ മഹാത്മാ ഗാന്ധിയ്ക്ക് ഈ സമ്മാനം നല്‍കപ്പെട്ടില്ല ? മഹാത്മാഗാന്ധിയുടെ പല ശിഷ്യന്‍മാരും ഗാന്ധിസത്തോട് ആദരവ് പുലര്‍ത്തിയവരും അതിനോട് സമാനതകളുള്ള പ്രവര്‍ത്തനമണ്ഡലം കെട്ടിപ്പെടുത്തവരും പലപ്പോള്‍ നൊബേല്‍ സമ്മാനത്തിന്റെ ശുപാര്‍ശകളിലും പട്ടികകളിലും ഇടം നേടിയിട്ടുണ്ട്.

അദ്ദേഹത്തിന്റെ സിദ്ധാന്തങ്ങളോട് ആദരവ് പുലര്‍ത്തിയ അമേരിക്കന്‍ പ്രസിഡന്റ് ബരാക് ഒബാമയ്ക്കും സാമ്പത്തിക സ്ഥിരതയ്ക്കുള്ള പ്രാദേശിക-ബദല്‍ മാതൃക സൃഷ്ടിച്ച ഗ്രാമീണ്‍ ബാങ്ക് ആശയത്തിന്റെ സ്ഥാപകന്‍ ബംഗ്ലാദേശിലെ യൂനിസ് മുഹമ്മദിനും ലഭിച്ചു ആ ബഹുമതി. പക്ഷേ ഗാന്ധിയെ തേടി മാത്രം നൊബേല്‍ വന്നില്ല. മാര്‍ട്ടിന്‍ ലൂതര്‍കിങ് ജൂനിയര്‍, മദര്‍ തെരേസ, നെല്‍സണ്‍ മണ്ടേല, വാന്‍ഗാരി മാതായ്...എത്രയോ പേര്‍..എന്തുകൊണ്ടാണ് അങ്ങനെ സംഭവിച്ചത് എന്ന് വെറുതെയൊന്ന് പരിശോധിക്കാം.

ഗാന്ധിജിയ്ക്ക് മാത്രം പിടികിട്ടാതെ പോയ ആ സമ്മാനത്തിന്റെ പുറകിലെ മാനദണ്ഡങ്ങളും അതിന്റെ പേരില്‍ പലപ്പോഴായി അവാര്‍ഡ് നിര്‍ണയ കമ്മിറ്റി നടത്തിയ വിശദീകരണങ്ങളും കൗതുകരവുമാണ്. അഞ്ച് തവണയാണ് ഗാന്ധി നൊബേലിന് നാമനിര്‍ദേശം ചെയ്യപ്പെട്ടത്. അതില്‍ തന്നെ മൂന്നുതവണ അന്തിമലിസ്റ്റില്‍ ഇടം തേടുകയും ചെയ്തു. പക്ഷേ പുരസ്‌കാരം മാത്രം ലഭിച്ചില്ല. അതിനെക്കുറിച്ച് ജൂറി പറഞ്ഞ അഭിപ്രായങ്ങളില്‍ ചിലത് ഇങ്ങനെയാണ്; മഹാത്മാഗാന്ധി ഇന്ത്യന്‍ ദേശീയതയുടെ കടുത്ത വക്താവായിരുന്നു. പലപ്പോഴും ക്രിസ്തുവിനെ പോലെ തോന്നിപ്പിച്ചു, ഒപ്പം ഒരു സാധാരണ രാഷ്ട്രീയക്കാരനാകുകയും ചെയ്തു. ഇത് ഒരു പരിമിതിയാണെന്നാണ് ജൂറിയുടെ വിലയിരുത്തല്‍..

പുരസ്‌കാരം നല്‍കേണ്ടത് സമാധാനത്തിനായി പ്രവര്‍ത്തിച്ച സാമൂഹ്യപ്രവര്‍ത്തകനോ അതോ ഭരണാധികാരികള്‍ക്കോ ? തിയോഡോര്‍ റൂസ് വെല്‍ട്ടിന്റെ പുരസ്‌കാരലബ്ധിയെ ലോകം വിമര്‍ശനം കൊണ്ട് നേരിട്ടത് ഈ ചോദ്യം ചോദിച്ചായിരുന്നു. 1935 ല്‍ പുരസ്‌കാരം നേടിയ ജര്‍മ്മന്‍ പത്രപ്രവര്‍ത്തകന്‍ കാള്‍ വോണ്‍ ഒസിയോട്‌സ്‌കിയുടെ കാര്യത്തിലും ചോദ്യങ്ങള്‍ ഉയര്‍ത്തപ്പെട്ടു. പില്‍ക്കാലത്ത്് ഹിറ്റലറുടെ തടവിലായിട്ടുണ്ട് അദ്ദേഹം.

മറ്റൊരു കമ്മിറ്റി വിലയിരുത്തിയത് ഇങ്ങനെ; യഥാര്‍ത്ഥത്തില്‍ അദ്ദേഹം ഒരു രാഷ്ട്രീയക്കാരനോ, തത്വപ്രചാരകനോ, സാമൂഹിക പ്രവര്‍ത്തകനോ ലോകസമാധാനത്തിന് വേണ്ടി മാത്രം പ്രവര്‍ത്തിച്ച വ്യക്തിയോ, ഇതിലേതാണ് എന്ന് വിലയിരുത്തുക ദുഷ്‌കരമാണ്. ചിലപ്പോള്‍ ഇതെല്ലാമായിരുന്നു. ഇതൊക്കെയായിരുന്നുതാനും. അതുകൊണ്ട് അദ്ദേഹത്തെ കൃത്യമായി വിലയിരുത്തുക ദുഷ്‌കരമെന്നും ജൂറി നിസ്സഹായത പ്രകടിപ്പിച്ചു.

ഗാന്ധി കാട്ടിത്തന്നത് സത്യാഗ്രഹം എന്ന അഹിംസയുടെ മാതൃകയായിരുന്നു. മാതൃകയാക്കാന്‍ ഏറെ ബുദ്ധിമുട്ടുള്ള ഒരു ജീവിതമാതൃക. 1937, 1938, 1939, 1947 വര്‍ഷങ്ങളിലാണ് ഗാന്ധി നൊബേല്‍ സമ്മാനത്തിനായി പരിഗണിക്കപ്പെട്ടത്. അവസാനം പരിഗണിച്ച '47 ന് തൊട്ടടുത്ത വര്‍ഷം അദ്ദേഹം വെടിയേറ്റുമരിക്കുകയും ചെയ്തു.

ആദ്യതവണ നാമനിര്‍ദേശം ചെയ്യപ്പെട്ടപ്പോള്‍ ജൂറി ഉപദേശകന്‍ പ്രൊഫ. ജേക്കബ് വോണ്‍ മുള്ളര്‍ വിമര്‍ശനത്തോടെയാണ് അദ്ദേഹത്തിന്റെ നാമനിര്‍ദേശത്തെ നേരിട്ടത്. അദ്ദേഹം പറഞ്ഞു; ഗാന്ധി നല്ല, മാന്യനായ മനുഷ്യന്‍ തന്നെ, സംശയമില്ല. ജനങ്ങളെ ആകര്‍ഷിക്കാനുള്ള കഴിവുമുണ്ട്. പക്ഷേ ജനങ്ങള്‍ക്ക് മാതൃകയായിരിക്കുമ്പോഴും അദ്ദേഹം സ്വാതന്ത്ര്യസമരസേനാനിയായിരുന്നു, ഒപ്പം ഒരു രാഷ്ട്രീയക്കാരനുമായിരുന്നു. മൂല്യബോധം കൊണ്ട് ലോകത്തിന് മാതൃകയായിരിക്കുമ്പോഴും ദേശീയവാദിയായി നിലകൊണ്ടു. ഇതായിരുന്നു വിമര്‍ശനം.

അഹിംസയ്ക്കായി നിലകൊള്ളുമ്പോഴും അത് ബ്രിട്ടീഷുകാരെ ഹിംസിക്കുന്ന സംഭവങ്ങള്‍ക്ക് കാരണമായി. 1920-21 കാലത്ത് നടന്ന ചൗരി-ചൗരാ സംഭവം തന്നെയാണ് അതിനുദാഹരണമായി മുള്ളര്‍ എടുത്തുകാട്ടുന്നത്. അന്ന് നിരവധി പോലീസുകാര്‍ കൊല്ലപ്പെടുകയും സ്റ്റേഷന് തീവെക്കുകയും ചെയ്തു. ദക്ഷിണാഫ്രിക്കയില്‍ ജീവിക്കുമ്പോള്‍ പോലും അദ്ദേഹം അവിടത്തെ ഇന്ത്യക്കാര്‍ക്ക് വേണ്ടിയാണ് വാദിച്ചത്.

കറുത്തവര്‍ഗക്കാര്‍ ദുരിതമനുഭവിക്കുമ്പോഴും അവര്‍ക്ക് വേണ്ടിയല്ല അവിടത്തെ ഇന്ത്യക്കാര്‍ക്ക് വേണ്ടി മാത്രമാണ് ഗാന്ധി ശബ്ദമുയര്‍ത്തിയത്. ആ അര്‍ത്ഥത്തില്‍ അദ്ദേഹം ലോകസമാധാനത്തിന് വേണ്ടിയല്ല മറിച്ച് തികഞ്ഞ ദേശീയവാദിയാകാനാണ് ശ്രമിച്ചത്. ഇതായിരുന്നു മുള്ളര്‍ നല്‍കിയ വിശദീകരണം. 1938 മുതല്‍ തുടര്‍ച്ചയായി മൂന്ന് വര്‍ഷം ഗാന്ധിജിയുടെ പേര് നിര്‍ദ്ദേശിക്കപ്പെട്ടു. ഒടുവില്‍, നാലാം തവണ നാമനിര്‍ദേശം ചെയ്യപ്പെട്ടപ്പോഴേക്കും ഇന്ത്യ സ്വാതന്ത്ര്യലബ്ധിയുടെ ലഹരിയിലായിരുന്നു.

ജേക്കബ് വോണ്‍ മുള്ളറിന്റെ വാദമുഖങ്ങളുടെ അത്രയും വിമര്‍ശനം നൊബേല്‍ കമ്മിറ്റി ഉപദേശകന്‍ ജെന്‍സ് അരൂപ് സെയ്പിനുണ്ടായിരുന്നില്ല. എങ്കിലും അദ്ദേഹം അഭിപ്രായപ്പെട്ടതിങ്ങനെ; ഗാന്ധിയുടേത് മഹത്തായ വ്യക്തിത്വമാണ്. നിരവധി നല്ല ഗുണങ്ങളുടെ ഒരു മാതൃകയാണ് അദ്ദേഹം. പക്ഷേ അദ്ദേഹം ഓര്‍മ്മിക്കപ്പെടുക സമാധാനത്തിന്റെ അപ്പോസ്തലനായല്ല, മറിച്ച് ഒരു തികഞ്ഞ ദേശസ്‌നേഹിയായാണ്. 1947 ല്‍ ഗാന്ധിയെ തേടി നൊബേല്‍ വരുമെന്ന് പലര്‍ക്കും പ്രതീക്ഷയുണ്ടായിരുന്നു. ഉണ്ടായില്ല. 48 ല്‍ അദ്ദേഹം രക്തസാക്ഷിയായി. ആ വര്‍ഷത്തെ ജൂറിയുടെ തീരുമാനം ഇത്തവണ സമാധാനത്തിനുള്ള നൊബേല്‍ സമ്മാനത്തിന് ആരും അര്‍ഹരല്ല എന്നായിരുന്നു.

ആ വര്‍ഷം സെയ്പ് എഴുതിയ റിപ്പോര്‍ട്ട് ഇങ്ങനെ; ഗാന്ധി, അദ്ദേഹത്തിന്റെ ജീവിതകാലയളവിലെല്ലാം ശ്രദ്ധ പതിപ്പിച്ചത് ജനങ്ങളെ രാഷ്ട്രീയമായി വളര്‍ത്തുകയും ഒപ്പം അവരെ ആത്മീയതയിലേക്ക് പരിവര്‍ത്തപ്പെടുന്ന തത്വസംഹിതകളുടെ സ്ഥാപകന്‍ മാത്രമായി സ്വയം മാറാനുമാണ്. മരണാനന്തരബഹുമതിയായും ഗാന്ധിയുടെ പേര് പലപ്പോഴും നൊബേല്‍ കമ്മിറ്റിക്ക് മുന്നില്‍വന്നു. അപ്പോള്‍ അവര്‍ കണ്ടുപിടിച്ചത് മറ്റൊരു തൊടുന്യായമാണ്. ബഹുമതിക്ക് തിരഞ്ഞെടുക്കപ്പെട്ടാല്‍ അത് ആര് ഏറ്റുവാങ്ങും? അദ്ദേഹം ഒരു സംഘടനയോ സ്ഥാപനമോ സ്ഥാപിച്ചിട്ടില്ല. അദ്ദേഹം സ്വത്തിലോ സമ്പാദനത്തിലോ വിശ്വസിച്ചിട്ടില്ല. അപ്പോള്‍ പിന്നെ ആര് അവ സ്വീകരിക്കും.

സ്വീഡിഷ് അക്കാദമി പലരുമായും ഇക്കാര്യത്തില്‍ ആശയവിനിമയം നടത്തി. മറുപടികള്‍ തൃപ്തികരമായിരുന്നില്ല. അങ്ങനെ മരണാനന്തരബഹുമതിയായും നൊബേല്‍ ഗാന്ധിയെ തേടിവന്നില്ല. ബ്രിട്ടീഷ് ഭരണരീതിയെ എതിര്‍ത്തിരുന്ന ഗാന്ധിയെ ബ്രിട്ടന്‍ പോലും പിന്നീട് ആദരിച്ചിട്ടുണ്ട്. ഗാന്ധിയുടെ സ്മരണയ്ക്കായി അവര്‍ സ്റ്റാമ്പ് ഇറക്കാനും തയ്യാറായി. എന്നിട്ടും നൊബേല്‍ കമ്മിറ്റിക്ക് മാത്രം അത് മനസ്സിലായില്ല. ഏറ്റുമൊടുവില്‍ ഫോറിന്‍ പോളിസി മാഗസിന്‍ (എഫ് പി) പ്രസിദ്ധീകരിച്ച നൊബേല്‍ ലഭിക്കേണ്ടിയിരുന്ന, ലഭിക്കാതെ പോയവരെക്കുറിച്ചുള്ള പുതിയ റിപ്പോര്‍ട്ടിലും ആദ്യസ്ഥാനത്ത് ഗാന്ധി തന്നെ.

വിചിത്രമായ മറ്റൊരു കാര്യം ദലൈ ലാമയെ 1989 ല്‍ നൊബേല്‍ സമ്മാനത്തിന് തിരഞ്ഞെടുത്ത ജൂറിയുടെ കണ്ടെത്തലാണ്. മഹാത്മാഗാന്ധിയെ കുറിച്ചുള്ള ഒരു സ്മരണ കൂടിയാണ് ഈ പുരസ്‌കാരം എന്നായിരുന്നു ജൂറിയുടെ വാക്കുകള്‍. ഇത്തവണത്തെ പുരസ്‌കാരം ബരാക് ഒബാമ തന്റെ ഓഫീസില്‍ സ്ഥാപിക്കുമ്പോള്‍ അത് ആ ഓഫീസില്‍ സ്ഥാനം പിടിച്ച അപൂര്‍വ്വങ്ങളിലൊന്നായ ഗാന്ധിയുടെ ആ വലിയ ഛായാചിത്രത്തിനു താഴെയായി പോയിട്ടുണ്ടെങ്കില്‍ അത് ചരിത്രത്തിന്റെ യാദൃച്ഛികത. ഗാന്ധിജിയ്ക്ക് പുരസ്‌കാരം നല്‍കാത്തതുകൊണ്ട് ഗാന്ധിജിയാണോ അതല്ല നൊബേല്‍ പുരസ്‌കാരമാണോ ചെറുതായത് എന്നത് തന്നെ പ്രസക്തമായ കാര്യം.

ഇത് വിശ്വസിക്കാമോ ???

2009-10-17T10:10:00.000-07:00

എനിക്ക് കിട്ടിയ ഒരു ഇമെയില്‍ ആണു ഈ പോസ്റ്റിനു ആധാരം..................
മെയിലിന്റെ പൂര്‍ണ രൂപം ഇതാ ഇവിടെ.........
Dear All ,

Am so happy n proud to Introduce this cute n sweet gal to all of u...And this celebrity is a part of our creativenjoy for last more than 3 yrs …

And I know its too late to introduce her to all of u………

The Princess of Cyber world

The Youngest Web Designer in the World......

Sreelakshmi Suresh………

She designed 12 websites including

The Most Amazing Website about Kerala

www.stateofkerala.in

Sreelakshmi Suresh - Profile
	Name	Sreelakshmi Suresh
	Year of Birth	1998
	Father	Adv. Suresh M enon
	Mother	Mrs. Viju Suresh
	Address	28/539, Kavu Nagar
		Chevayoor PO
		Kozhikode 673 017 Kerala India
	School	Presentation Higher Secondary School, Kozhikode
	Class	VI
	Titles	Youngest Girl Web Designer in the World
		Youngest CEO in the World
		CCWP - Cambridge Certified Web Publisher
		Member - American Association of Webmasters
	Brand Ambassador	InfoGroup Group of Companies
	CEO	eDesign Technologies
	Mg. Partner	Online Pixel Traders
	Director	YGlobes Technologies
	First Website	www..presentationhss.com
	Highest Honour	National Child Award for Exceptional Achievement 2008
	Own Company	eDesign Technologies
	Associated with	Cybrosys Techno Solutions (Pvt) Ltd

The Youngest CEO in the world..

She has won more than 40 national and International awards - some of them are.....
◊ Global Internet Directories Gold Award ( USA )
◊ American Association of Webmasters Merit Award
◊ American Association of Webmasters Membership
◊ Art Space's World Web Award of Excellence 2006-07 ( USA )
◊ Webmasters Ink Web Award ( USA )
◊ Golden Web Award ( USA )
◊ AIHC Platinum Award ( USA )
◊ WM8C Stamp of Excellence Award ( USA )
◊ Majon Web Select Seal of Excellence Award ( USA )
◊ Sixty Plus Education Award of Excellence ( Canada )
◊ Penmarric Bronze Award ( Canada )
◊ Feeblemind's Award of Excellence ( UK )
◊ La Luna Niche Best of the Web Award ( UK )
◊ Poetic Soul Award ( Brazil )
◊ Planeta Foto Silver Award ( Brazil )
◊ 37th Texa's Web Award ( USA )
◊ Moms Global Award for inspirational Website 2006-07 ( UK )
◊ The Webuilders TS Gold Award ( UK )
◊ Stormkeeper Award of Excellence ( UK )
◊ Alloha Award for Excellent Website ( Hawaii )
◊ Thomas Sims Greves Award of Excellence ( UK )
◊ ProFish-N-Sea Charters World Class Website Award ( Brazil )
◊ Swadeshi Science Movement Excellence Award 2007 ( India )
◊ Thapasya Excellence Award 2007 ( India )
◊ Lions Clubs Big Achiever Award 2007 ( India )
◊ VARNAM 2007 Puraskaaram ( India )
◊ Lions Clubs Big Achiever Award 2008 ( India )
◊ National Child Award for Exceptional Achievement 2008 Sreekutty says about her different sites…plz go thru this….

www.presentationhss.com- My school website designed when i was 8 years old

www.lionscalicutmetro.com website of Lions Club

www.mabrookmedicare.com - website of a travel agency

www.edesign.co.in - edesign is my own web designing company

www.e-sandesh.com - first website in malayalam for kids

www.sreekutty.com - my personal website

www.tinylogo.com - my dream project, a logo based seach engine

www.kozhikodedeaf.org - site for deaf's

www.barcouncilkerala.com - site for bar council of kerala, inauguration on 20-06-2009

www.maruthonkara.com - site for maruthonkara people by MASS QATAR

www.crickettvonline.com - site for online cricket news

www.stateofkerala.in -my own site, want to make it an encyclopedia of Kerala

Dear friends plz go thru www.stateofkerala.in and give ur valuable comments..
And kindly forward this mail to your frnds too…… And we must have to promote this youngest surprise as afan of creativenjoy its our duty…. Waiting for more surprises from sreekutty…..

ഇതില്‍ പറയുന്നതെല്ലാം സത്യമാണോ ആവോ!!!!!!!!!

ഈ കൂട്ടുകാരിയുടെ എല്ലാ വെബ്സൈറ്റുകളും രജിസ്റ്റര്‍ ചെയ്യ്തിരിക്കുന്നത് Links Media Technologies
Trivandrum, Kerala, India ആണു....(eg : http://www.whois-search.com/whois/www.stateofkerala.in)

Google പറയുന്നത് World's Youngest CEO, Suhas Gopinath എന്നാണു .... ശ്രീലക്ഷ്മിയുടെ സൈറ്റുകള്‍ ഒഴികെ...(www.sreekutty.com ഗൂഗിള്‍ പറയുന്നു This site may harm your computer)

HTML, JavaScript, Flash contents, Photoshop Graphics ഇവ എല്ലാം കൊണ്ടും സമൃദ്ധമാണ് എല്ലാ വെബ്സൈറ്റ്ഉം... www.stateofkerala.in എന്ന സൈറ്റ് php യിലും....

ഈ കുഞ്ഞു പെങ്ങള്‍ ഇതിനകം ഇതെല്ലം പഠിച്ചോ ?

ഇതില്‍ പറയുന്ന American Association of Webmasters Membership കാശു കൊടുത്താല്‍ ആര്‍ക്കും നേടാവുന്നതാണ് (റെഫ് : http://www.bettercart.com/v4/go?s=aawm&=default&d=products&product=8316).........

അവളുടെ ആഡ്‌സെന്‍സ്‌ പ്രമോഷന്‍ ആകണം ഈ മെയിലിന്റെ ഉദ്ദേശം.....

18 വയസ് തികയാത്ത ഇവള്‍ക്കു 3 orkut profiles....(See orkutś terms : http://www.orkut.com/html/en-US/additionalterms.orkut.html)

1. http://www.orkut.co.in/Profile.aspx?uid=9259815318090031380
2. http://www.orkut.co.in/Main#FullProfile?rl=pcb&uid=485245159951293281
3. http://www.orkut.co.in/Profile.aspx?uid=3529900881092878563

കൂടുതല്‍ അന്വേഷണങ്ങള്‍ക്കു സമയം അനുവധിക്കുന്നില്ല.....